ரணில்  அதிகாரம் வந்ததும் மாறிவிட்டார்

நிறைவேற்று அதிகாரம் கொண்ட ஜனாதிபதியாகும் வரை அதனை இல்லாதொழிக்க வேண்டும் என்று கூறிய ரணில் விக்ரமசிங்க தற்போது, பாராளுமன்றத்தின் அதிகாரத்தைப் பறித்து ஜனாதிபதி முறைமையை பலப்படுத்த முயற்சிக்கின்றார்.

எனினும் நிறைவேற்று அதிகாரம் கொண்ட ஜனாதிபதி முறைக்கு தன்னிச்சையான அதிகாரங்களை வழங்குவதற்கு முற்படுகின்றார்.எனினும் நாங்கள் அதற்கு எதிரானவர்கள் என பிவித்துரு ஹெல உறுமய தலைவரும் பாராளுமன்ற உறுப்பினருமான உதய கம்மன்பில தெரிவித்துள்ளார்.

அரசாங்கம் கொண்டு வந்துள்ள பொருளாதார மாற்றச் சட்டம் மற்றும் பொது நிதி முகாமைத்துவச் சட்டத்தை எதிர்த்து ‘சர்வஜன பலய’ கூட்டணியால் மனு தாக்கல் செய்யப்பட்ட போதே இவ்வாறு தெரிவித்த அவர், ஜனாதிபதி பதவியை வகித்து அதிகாரங்களை அதிகரிக்க முயற்சிப்பதாகவும் தெரிவித்துள்ளார்.

நிறைவேற்று அதிகாரம் கொண்ட ஜனாதிபதி முறைமையை நீக்க வேண்டும் என்று முன்னர் தொடர்ந்து கூறிவந்த ரணில் விக்ரமசிங்க, தற்போது பாராளுமன்றத்தில் ஆணைகளை கொண்டு வந்து பாராளுமன்றத்தின் அதிகாரத்தை பறித்து நிறைவேற்று அதிகாரம் கொண்ட ஜனாதிபதி முறைமையை பலப்படுத்த முயற்சிக்கின்றார்.

தற்போது முன்வைக்கப்பட்டுள்ள பொருளாதார மாற்றச் சட்டத்தை எடுத்துக் கொண்டால், வர்த்தக அமைச்சு, முதலீட்டு அமைச்சு என பல்வேறு அமைச்சுக்களின் அமைச்சர்களின் அதிகாரங்களும் நிதியமைச்சரின் அதிகாரங்களும் ஜனாதிபதியிடம் கைமாற்றப்படும் எனவும் தெரிவித்துள்ளார்.

இந்த மசோதா மூலம் எட்டு புதிய நிறுவனங்கள் உருவாக்கப்படும். இந்த எட்டு நிறுவனங்களும் அந்தந்த அமைச்சுகளின் அமைச்சர்களுக்குப் பதிலாக ஜனாதிபதிக்கு நேரடியாக அறிக்கை அளிக்கின்றன. இந்த மசோதாக்கள் நிறைவேற்றப்பட்டால் இந்நாட்டில் பிறக்கும் ஜனாதிபதி ஆக்டோபஸ் போன்றவர். ஆக்டோபஸின் நகங்கள் பொருளாதாரம் முழுவதும் பரவியுள்ள ஒவ்வொரு துறையிலும் உள்ளன. ஜனாதிபதி அந்த ஆக்டோபஸின் தலைவராகிறார்.

நிறைவேற்று அதிகாரம் கொண்ட ஜனாதிபதி முறைக்கு தன்னிச்சையான அதிகாரங்களை வழங்குவதற்கு நாங்கள் எதிரானவர்கள். தற்போதுள்ள அதிகாரங்கள் குறைக்கப்பட வேண்டும், மேலும் பொறுப்புக்கூற வேண்டும் என்று நாங்கள் போராடுகிறோம்.

ஆனால் இந்தப் போரில் எம்மை விட முன்னோடியாக இருந்த ரணில் விக்கிரமசிங்க நிறைவேற்று அதிகார ஜனாதிபதி பதவியை பெற்ற பின்னர் அதனை அழகான வார்த்தைகளில் மறைத்து முழு அரசினதும் அதிகாரங்களை தனது பதவியில் குவிக்க முயற்சிக்கின்றார். அந்த முயற்சியை முறியடிக்க, நீதிமன்றம், எதிர்காலத்தில் பாராளுமன்றம், அதன்பின் வீதிகள் ஆகிய மூன்று இடங்களையும் பயன்படுத்துவோம் என்று நம்புகிறோம் எனவும் தெரிவித்துள்ளார்.