பாருலகில் நீவரமாய் இருக்கின்றாய் பாரதியே!… கவிதை …. மகாதேவ ஐயர் ஜெயராமசர்மா.

வறுமைதனில் வாடிடினும் வற்றாத கற்பனையால்

பாப்பாவை  பார்த்தவன் பாடிய  பாட்டலெல்லாம்

பாரதியின் கற்பனையால் பலகவிஞர் நிலையிழந்தார்

அழகுதமிழ் பாவாணர் அனைவருமே வியந்தார்கள்

தெளிவுடனே சேதிகளை செந்தமிழால் பாடிநின்ற

வறுமைத் தடாகத்தில் மலர்ந்திட்ட மாமலரே 

மடமைத் தனத்துக்கு மாலையிட்டார் மண்டியிட

பாப்பாக்கு பாட்டுரைத்து பலகாரம் கொடுத்தாயே

வேதத்தில் திளைத்தாலும் வில்லங்கம் வெறுத்தாயே

மூடத் தனத்தை முற்றாக வெறுத்திட்டாய்

பசியுந்தன் கூடவரும் பாட்டதற்கு விருந்தாகும்

அன்னைத் தமிழின் அக்கினிக் குஞ்சானாய்

தீர்க்க தரிசனமாய் பலவுரைத்த தமிழ்க்கவியே

பாடிய பாட்டனைத்தும் பட்டொளி வீசுதையா