பாலை_நிலா!….. 04 …. ( நாவல் ) …. க. ஷியா.

வெகு தூரம் ஓடிக் களைத்தவளாக நின்றிருந்த கதீஜாவுக்கோ இப்போது எவ்வகையிலாவது ஒழிந்து கொள்ள ஒரு வாகனம் வேண்டும். தட்டுத்தறி கெட்டவளாக பாலை வீதியில் நின்று

“””” ஓ…….. என்னுடைய ரப்பே

நான் உன்னை நம்பி வந்தவள்,

என்னை வேட்டைக்காரர்களிடமோ, காமுகர்களிடமோ, எனது எஜமானனிடமோ சிக்க வைத்து விடாமல் பாதுகாத்து நீ யாரையெல்லாம் நீதியாளர்களாகக் காண்கிறாயோ அவர்களிடம் என்னை ஒப்படைத்து விடு என் இறைவா””””

என்று வானை நோக்கி இரு கரங்களையும் உயர்த்தி அழுது பிரார்த்தனை செய்தவளாக, நின்றவளுக்கு தன் மனதில் ஒரு எண்ணம் குறுக்கறுக்கிறது. அவளின் மனம் சொல்கிறது. கதீஜா, உடனே நீ முன்னோக்கி ஓடத் தொடங்கு இங்கு ஒரு நொடியும் தாமதித்து விடாதே என்று, அவளும் தனது பயணப் பையைக் கையிலெடுத்தவளாக ஓடத் தொடங்குகிறாள். பாலையின் அணல் காற்று அவள் முகத்தில் அறையவே கண்ணீர்த் துளிகளை குளிப்பாட்டுகிறது வியர்வைத் துளிகள். தன் அணலால் அறையும் காற்றுக்குக் என்ன கருசனையோ தெரியவில்லை அவள் கண்ணீரை வழித்து வழியெங்கும் தெளித்துப் போகிறது. கதீஜாவின் ஓட்டமும், நடையும் இன்னும் வேகமாகவே தண்ணீர்த் தாகத்தால் தொண்டைக்குழிக்குள் உள்ள நாளக்குழாய்கள் இறக்கத் துடிக்கும் ஆத்தமா போலலறுகிறது. வரண்ட தொண்டை நாளக்குழாய்களுக்குத் தூக்குக் கயிறிட்டிருக்க வேண்டும் போல அப்படி இறுகிப் போனது அவள் குரல்வளை. இனியும் இயலாது என்ற கட்டத்திலும் அவள் ஓடவே செய்கிறாள். ஓடிய அவளோ ஒரு பாலத்தின் மருங்கினை அடைகிறாள். அப்போது அங்கு ஒரு கார் வண்டி இவளைக் கண்டு வேகத்தைக் குறைத்து இவளருக்கில் ஊர்கிறது. இதைக் கவனித்த கதீஜா.

“”யா….அஹி (என் சகோதரனே)””

என்று கைகளை நீட்டவே வண்டியும் நின்றது. அவளுக்குத் தெரிந்த வகையில் அரபு பாஷையினால் தனது நிலையை விழக்கி தன்னைப் பொலிஸ் நிலையத்தில் கொண்டு சேர்த்து விடுமாறு கெஞ்சி அழுதாள். அந்த அரபிய வாலிபனும் உடனே கார் கதவுகளைத் திறந்து விட்டுக் கதீஜாவை வண்டியில் ஏறும்படி சொன்னான்.

அப்போது இனி மயக்கம் வந்து விடும் என்ற தாக நிலையில் இருந்த கதீஜாவுக்கோ அவனது வண்டியில் பொருத்தப்பட்டிருந்த குளிரூட்டியின் குளிர் பட்டதும் கொஞ்சம் தாகம் தீர்ந்து கொஞ்சம் சுகமானது. இருந்தும் தண்ணீர் அருந்தினால் போதும் என்பதுபோல் இருந்தது. அப்போது அவனிடம் தண்ணீர் கேட்டாள் கதீஜா. அவனும் அவளுக்குத் தண்ணீரைக் கொடுத்து விட்டு வண்டிடை நகர்த்தத் தொடங்கினான். அப்போதைக்கு அவளுக்கு ஒரு நிம்மதியாக இருந்தாலும் பொலிஸ் நிலையம் சென்றடைவதற்குள் பெரும் புயலைத் தாண்ட வேண்டியிருந்தது என்னவோ உண்மை தான். வண்டியில் மறைந்தவளாக வீதியில் நகர்கிறாள் கதீஜா……..

ஒளிரும்……..

க.ஷியா