எதிர்வரும் ஆண்டுகளில் ஆஸ்திரேலியாவுக்கு காத்திருக்கும் நெருக்கடி

எதிர்வரும் ஆண்டுகளில் கடுமையான வறட்சி மற்றும் நீர் பற்றாக்குறையை சந்திக்கும் என்று கணிக்கப்பட்ட உலகளாவிய பகுதிகளில் தெற்கு ஆஸ்திரேலியாவும் ஒன்று என்று புதிய ஆராய்ச்சி வெளிப்படுத்தியுள்ளது.

இந்த வாரம் நேச்சர் இதழில் வெளியிடப்பட்ட இந்த ஆய்வு, காலநிலை மாற்றத்தால் ஏற்படும் வறண்ட மற்றும் வெப்பமான வானிலை விவசாயம் மற்றும் நீர் விநியோகம் உள்ளிட்ட சுற்றுச்சூழல் அமைப்புகளை எவ்வாறு பாதிக்கும் என்பதை ஆய்வு செய்தது.

ஆஸ்திரேலியாவின் தென் மாநிலங்கள் நீடித்த வறட்சியை அனுபவிக்கும் என்று கணிக்கப்பட்டுள்ளது. இது அடுத்த சில ஆண்டுகளில் அல்லது 2030 ஆம் ஆண்டுகளின் முற்பகுதியில் நிகழலாம் என்றும் ஆராய்ச்சி கூறுகிறது.

தென் கொரியாவில் உள்ள பூசன் தேசிய பல்கலைக்கழகத்தின் காலநிலை விஞ்ஞானியும் அறிக்கையின் ஆசிரியருமான கிறிஸ்டியன் பிரான்ஸ்கே, வறட்சி முன்னோடியில்லாத நீர் பற்றாக்குறையாக இருக்கும் என்று கூறினார்.

அதன்படி, சுத்தமான எரிசக்தி மாற்றத்தை விரைவுபடுத்துவதோடு நீர் மேலாண்மையையும் மேம்படுத்த வேண்டிய அவசியம் இருப்பதாக ஃபிரான்ஸ்கே மேலும் கூறினார்.