உலகிற்கே 1.7 லட்சம் ஆண்டுகளுக்கு போதுமான எரிபொருள்
பூமியின் அடியில் மனித இனத்திற்கு தேவையான மிகப்பாரிய பரிசு காத்திருக்கிறது.
கனடாவின் பழமையான பாறை பகுதிகளில், பாரிய அளவில் இயற்கை ஹைட்ரஜன் எரிபொருள் இருப்பதாக ஆக்ஸ்போர்டு, டர்ஹாம் மற்றும் டொராண்டோ பல்கலைக்கழகங்களைச் சேர்ந்த விஞ்ஞானிகள் கண்டறிந்துள்ளனர்.
இந்த ஹைட்ரஜன் ‘வெள்ளை ஹைட்ரஜன்’ என்று அழைக்கப்படுகிறது. இது எரிக்கும்போது புகையோ கார்பன் டைஆக்ஸைடு உற்பத்தியாவது இல்லை, நீர் மட்டுமே உருவாகிறது.
எனவே, இது காலநிலை மாற்றத்திற்கு எதிரான போரில் முக்கிய ஆயுதமாக கருதப்படுகிறது.
இது எங்கிருந்து வருகிறது?
இது எண்ணெய் போல பாரிய குவியல்களில் இருப்பதில்லை. பாறைகள் மற்றும் நீர் தொடர்புடன் இரசாயன முறையில் சுரக்கும் ஹைட்ரஜன் பூமியின் அடுக்குகளுக்குள் ஊடுருவி, சில இடங்களில் சேரும்.
இப்படி காற்று வெளியேறும் இடங்களை கனடாவின் ‘Canadian Shield’ பகுதியில் விஞ்ஞானிகள் வரைபடமாக கண்டுபிடித்துள்ளனர்.
இந்த ஹைட்ரஜனை எடுக்க முடியுமா?
முடியும், ஆனால் சவாலானது. வழக்கமான எண்ணெய் கிணறு தோண்டும் முறைகள் இதற்கு போதாது. புதிய தொழில்நுட்பங்கள், நுணுக்கமான வரைபடங்கள் மற்றும் உயிரியலியல் கவனத்துடன் இந்த ஹைட்ரஜனை பாதுகாப்பாக எடுக்க வேண்டியுள்ளது.
முக்கியமாக, பூமியின் அடியில் உள்ள சில பாக்டீரியாக்கள் ஹைட்ரஜனை தின்று விடுகின்றன, அதனால் விலகிக்கொண்டே உள்ள பகுதிகளைத் தேர்வு செய்ய வேண்டும்.
இந்த வாய்ப்பு இரசாயன எரிபொருள்களுக்கு ஒரு நீடித்த மாற்றமாக இருக்கும் என நிபுணர்கள் நம்பிக்கை தெரிவிக்கின்றனர்.
இந்த இயற்கை எரிவாயுவான ஹைட்ரஜன் உலகம் முழுவதும் 1.7 லட்சம் ஆண்டுகள் தேவையை நிறைவேற்றும் அளவில் இருப்பதாக மதிப்பீடு செய்யப்பட்டுள்ளது.
