ஆணின் துணையின்றி பெண்களால் குழந்தை பெற்றுக்கொள்ள முடியும்?

கன்னிப் பிறப்பு என்ற சொல்லை பைபிளில் நீங்கள் கேள்விப்பட்டிருக்கலாம். ஆனால் இந்த முறை எதிர்காலத்தில் சாத்தியமாகும் என்று கூறினால் உங்களால் நம்ப முடியுமா?

parthenogenesis என்று விஞ்ஞானிகளால் அழைக்கப்படும் இயற்கையான பாலினமற்ற இனப்பெருக்கம் ஒரு பெண்ணின் கருவுறாத முட்டைகளிலிருந்து ஆரோக்கியமான சந்ததிகளை உருவாக்க அனுமதிக்கிறது.

பர்மிங்காம் அருகே உள்ள ஒரு மிருகக்காட்சிசாலையில் ஒரு பெண் பல்லி எட்டு குஞ்சுகளைப் பெற்றெடுத்தது, அவை ஒருபோதும் ஆணுடன் தொடர்பு கொள்ளவில்லை.

அதேபோல் கன்னிப் பிறப்புக்கள் சுறாக்கள், பாம்புகள், முதலைகள், ஓட்டுமீன்கள், தேள்கள் மற்றும் குளவிகள் போன்ற பரந்த அளவிலான விலங்குகளில் நிகழ்ந்துள்ளன.

ஆனால் இந்த முறை மனிதர்கள் மத்தியில் ஒருபோதும் சாத்தியப்பட்டதில்லை. சில ஆண்டுகளுக்கு முன்பு, பாலூட்டிகளில் பார்த்தினோஜெனிசிஸ் சாத்தியமற்றது என்று கருதப்பட்டது. ஆனால் சமீபத்திய சோதனைகள் அதையெல்லாம் மாற்றிவிட்டன.

இதற்கமைய மரபணு மாற்றங்கள் கருவுறாமைக்கு வழிவகுக்கும் என்பதை ஆராய்ச்சி காட்டுகிறது, இதேபோன்ற மரபணு மாற்றங்கள் மனிதர்களில் கன்னிப் பிறப்புகளுக்கு வழிவகுக்கும் என்று பரிந்துரைக்கப்படுகிறது.

பிரேசிலில் உள்ள சாவோ பாலோ பல்கலைக்கழகத்தின் மரபியல் பேராசிரியரான தியாகோ காம்போஸ் பெரேரா, மனிதர்களில் பார்த்தினோஜெனிசிஸைத் தடுக்கும் நமது மரபணு அமைப்பால் நிறுவப்பட்ட ‘உயிரியல் தடைகள்’ உள்ளன என்று கூறினார்.

ஆனால் இந்த மரபணு அமைப்பு ‘இயற்கை பிறழ்வுகளால் மாற்றப்படலாம்’ என்று கூறியுள்ளார். இதற்கமைய எதிர்காலத்தில் மரபணு மாற்றமடைவதன் மூலம்பெண்கள் ஆண்களின் துணையின்றி கருத்தரிக்க முடியும் எனக் கூறப்படுகிறது.