அநுர பற்றி கூறிய கதைகள் பொய்யானவை; மல்வத்து மகா நாயக்க தேரர்

ஜனாதிபதி தேர்தலின் போது அநுரகுமார திஸாநாயக்க தொடர்பில் ஒரு சிலர் வெளியிட்ட கூற்றுகள் அனைத்துமே பொய்யானவை என மல்வத்து பீடத்தின் மகாநாயக்க திப்பொட்டுவாவே சுமங்கல மாநாயக்க தேரர் தெரிவித்தார்.

தேசிய பிக்குமார் முன்னணியின் அங்கத்துவ பிக்குமார்கள் சிலர் மகாநாயக்க தேரரை சந்தித்த வேளையில் அவர் அவ்வாறு கூறினார்.

ஒரு சில பிக்குமார்கள் எல்லை மீறி செயற்பட்டுள்ளதாக இதன்போது தேசிய பிக்குமார் முன்னணியின் அங்கத்துவ பிக்குமார்கள் கூறியுள்ளார்கள்.

அநுரகுமார திஸாநாயக்க ஜனாதிபதியாக நியமிக்கப்பட்ட பின்னர் ஏறக்குறைய இரண்டுவார குறுகிய காலப்பகுதிக்குள் நாட்டில் பாரிய மாற்றத்தை ஏற்படுத்தியுள்ளதாகவும் பிக்குமார்கள் குறிப்பிட்டுள்ளார்கள்.