நடிகர் ரஜினிகாந்த் திடீர் உடல் நலக்குறைவு? சென்னை அப்பல்லோ மருத்துவமனையில் அனுமதி!
இந்திய நடிகர் ரஜினிகாந்த் (Rajinikanth), வயிற்று வலி தொடர்பான பிரச்சினை காரணமாக மருத்துவமனையில் அனுமதிக்கப்பட்டுள்ளதாக அந்நாட்டு ஊடகங்கள் செய்தி வெளியிட்டுள்ளன.
சென்னை (Chennai) ஆயிரம் விளக்கு பகுதியில் உள்ள அப்பல்லோ மருத்துவமனையில் சிகிச்சைக்காக அனுமதிக்கபட்டுள்ளதாக தெரிவிக்கப்பட்டுள்ளது.
இந்தநிலையில், வயிற்று வலி தொடர்பான பிரச்சினை காரணமாக சிகிச்சைக்கு வைத்தியசாலையில் அனுமதிக்கப்பட்டுள்ளதாகவும் இன்று (01) முக்கிய பரிசோதனை செய்ய உள்ளதாகவும் தெரிவிக்கப்பட்டுள்ளது.
லோகேஷ் கனகராஜ் இயக்கும் கூலி படத்தின் படப்பிடிப்பில் கலந்துகொண்டு வந்த நிலையில் திடீர் உடல்நலக்குறைவு ஏற்பட்டுள்ளதாக தெரிவிக்கப்படுகின்றது.
ஏற்கனவே கடந்த 2020 ஆம் ஆண்டு டிசம்பர் மாதம் திடீர் உடல்நலக்குறைவு ஏற்பட்டு அப்பல்லோ மருத்துவமனையில் ரஜினி சிகிச்சை பெற்றார்.
மேலும், உடல்நலக்குறைவை காரணமாக கூறி அரசியலுக்கு வரும் முடிவையும் ரஜினி அப்போது கைவிட்டமை குறிப்பிடத்தக்கது.
