TVK என்றாலே திரிஷா, விஜய், கீர்த்தியா?: தீயாய் பரவிய வதந்தி; விஜய் பதிலடி

அதிக மதிப்பெண் எடுத்த மாணவர்களுக்கும் மாணவிகளுக்கும் வைர மோதிரத்தை நடிகர் விஜய் பரிசாக வழங்கி உள்ளார்.

தமிழக வெற்றிக் கழகம் கட்சியை ஆரம்பித்துள்ள நடிகர் விஜய் சென்ற ஆண்டை போலவே இந்த ஆண்டும் மாணவர்களுக்கு கல்வி விருது வழங்கும் விழாவை இன்று நடத்தியுள்ளார்.

கடந்த ஆண்டு பன்னிரண்டாம் வகுப்பு பொதுத் தேர்வில் 600க்கு 600 மதிப்பெண் எடுத்த மாணவி நந்தினிக்கு வைர நெக்லஸ் வழங்கப்பட்டது.

இம்முறை அதிக மதிப்பெண்களுடன் முதலிடத்தை பிடித்த மாணவ மாணவிகளுக்கு வைர மோதிரங்களை பரிசாக நடிகர் விஜய் வழங்கி மேடையில் அவர்களுடன் புகைப்படம் எடுத்துக் கொண்டார்.

இதனை தொடர்ந்து பேசிய விஜய்,

பள்ளி மாணவர்கள் போதைக்கு அடிமையாக கூடாது என்றும், சின்ன சின்ன மகிழ்ச்சிக்காக தீய பழக்கத்திற்கு ஆளாகக் கூடாது என்பதையும் வலியுறுத்தி பேசியுள்ளார்.

சமூக ஊடகங்கள் மற்றும் சில ஊடகங்களில் நல்லதை கெட்டதாகவும் கெட்டதை நல்லதாகவும் காட்டுகின்றனர். அதையெல்லாம் பாருங்க.. எல்லாமே படிங்க.. அதையெல்லாம் கேட்டுட்டு எது சரி? எது தவறு என அனலைஸ் பண்ண மட்டும் கத்துக்கோங்க என கூறினார்.

அதை தெரிந்துக் கொண்டாலே, ஒரு சில கட்சிகள் செய்யும் பொய்யான அரசியல் பிரச்சாரம் எல்லாம் புரிய வரும்.

நாட்டுல என்ன பிரச்சினை, நாட்டு மக்களுக்கு என்ன பிரச்சினை, எது சரி? எது தவறு? என்பது புரிய வரும் என நடிகரும் தமிழக வெற்றிக் கழகத்தின் தலைவருமான விஜய் பேசியுள்ளார்.

விஜய் பற்றிய வதந்திக்கு முற்று…

மேலும், தேவையில்லாத வதந்திகள் தன்னை பற்றியும் தன்னுடன் நடிப்பவர்கள் பற்றியும் பரவி வருவதற்கு மறைமுகமாக நடிகர் விஜய் பதிலடி கொடுத்துள்ளார் என விஜய் ரசிகர்கள் அதை வைரலாக்கி செய்து வருகின்றனர்.

நடிகை திரிஷாவுடன் விஜய் வெளிநாடுகளில் சுற்றி வருவதாகவும், விஜய் பிறந்தநாளை முன்னிட்டு ஜூன் 23ம் திகதி திரிஷா வாழ்த்து தெரிவித்து வெளியிட்ட புகைப்படத்தினை தொடர்ந்து விஜய்யின் அலுவலகத்திலேயே திரிஷா வீடு வாங்கியிருப்பதாக தகவல் பரவியது பரபரப்பை ஏற்படுத்தியது.

மேலும், TVK என்றாலே திரிஷா, விஜய், கீர்த்தி சுரேஷ் கட்சி என்றெல்லாம் கிண்டல் செய்ய ஆரம்பித்து விட்டனர்.

இந்நிலையில், அதற்கு எல்லாம் பதிலடி கொடுக்கும் விதமாக இந்த பேச்சு அமைந்திருந்தது குறிப்பிடத்தக்கது.