Beauty Of Sri Lanka; நியூயோர்க்கில் ஜொலிக்கும் இலங்கை!
நியூயோர்க் நகரில் , அமெரிக்க – இலங்கை புகைப்படக் கலை சங்கம் மற்றும் கனடா – இலங்கை புகைப்படக் கலை சங்கம் இணைந்து ஏற்பாடு செய்த ‘Beauty of Sri Lanka’ புகைப்படக் கண்காட்சியின் மூன்றாம் கட்டம் நடைபெற்றது.
இலங்கையின் சுற்றுலா மேம்பாட்டு பணியகத்தின் அனுசரணையுடன், நியூயோர்க்கில் உள்ள ஐக்கிய நாடுகள் சபைக்கான இலங்கையின் நிரந்தரப் பிரதிநிதி அலுவலகம் இதனை இணைந்து இந்த கண்காட்சி நிகழ்வை ஏற்பாடு செய்திருந்தது.
இலங்கையின் அழகை உலகுக்கு எடுத்துரைக்கும் வகையில்Beauty of Sri Lanka’ புகைப்படக் கண்காட்சி இம்முறை ஆறாவது தடவையாக ஏற்பாடு செய்யப்பட்டிருந்தது. ஐக்கிய நாடுகள் சபையின் பொதுச் செயலாளரின் அலுவலக பிரதானி கேர்ட்னி ரட்ரே Courtenay Rattray பிரதம அதிதியாகக் பங்கேற்றிருந்தார்.
இலங்கையின் சுற்றுலாத்துறையை மேம்படுத்துவதற்காக வழங்கிய பங்களிப்பிற்காக, அமெரிக்க – இலங்கை புகைப்படக் கலை சங்கத்தின் தலைவர் சூரிய பெரேரா உள்ளிட்ட புகைப்படக் கலைஞர்கள் இதன்போது கௌரவிக்கப்பட்டுள்ளனர்.
புகைப்படக் கண்காட்சிக்கு இணையாக ‘பூமியைக் காப்போம்’ எனும் தலைப்பிலான சித்திரப் போட்டியில் வெற்றிபெற்ற படைப்புகளும் காட்சிப்படுத்தப்பட்டன. மேலும் கண்காட்சித் தொடரின் இறுதி நிகழ்வு இன்று (2) வொஷிங்டன் டி.சி நகரில் நடைபெறவுள்ளது.
