இங்கிலாந்து மற்றும் வேல்ஸின் மிகவும் ஆபத்தான நிலையில் உள்ள 10 பாரம்பரிய கட்டிடங்களின் பட்டியல் வெளியீடு!
இங்கிலாந்து மற்றும் வேல்ஸில் உள்ள விக்டோரிய மற்றும் எட்வர்டியன் (Edwardian) காலத்தைச் சேர்ந்த 10 முக்கிய கட்டிடங்கள் அழியும் அபாயத்தில் இருப்பதாக ‘விக்டோரியன் சொசைட்டி’ தனது வருடாந்தப் பட்டியலில் எச்சரித்துள்ளது.
இதில் டீஸ்சைட் டிரான்ஸ்போர்ட்டர் பாலம் (Teesside Transporter Bridge) மற்றும் ஹேக்னியில் (Hackney) உள்ள தொற்றுநோய் தடுப்பு நிலையம் உள்ளிட்ட வரலாற்றுச் சின்னங்கள் அடங்கும்.
2019 முதல் மூடப்பட்டுள்ள Transporter பாலத்தைப் புனரமைக்க சுமார் 60 மில்லியன் பவுண்டுகள் தேவைப்படுவதாகவும், இது உள்ளூர் சபைகளின் நிதி நிலைக்கு அப்பாற்பட்டது எனவும் தெரிவிக்கப்பட்டுள்ளது.
இதேபோல், ஹாரலோவில் உள்ள பார்ண்டன் ஹால் (Harlow – Parndon Hall) மற்றும் பென்டிரில் உள்ள கல்லறை மாடம் போன்ற பல அழகிய கட்டமைப்புகள் முறையான பராமரிப்பின்றிச் சிதைவடைந்து வருகின்றன.
இந்தக் கட்டிடங்கள் அனைத்தும் தேசிய பாரம்பரிய அந்தஸ்து பெற்றவை என்பதால், இவற்றைத் தீ விபத்துகள் மற்றும் சிதைவுகளிலிருந்து பாதுகாக்க உடனடியாக அரசு நடவடிக்கை எடுக்க வேண்டும் என விக்டோரியன் சொசைட்டியின் தலைவர் கிரிஃப் ரைஸ் ஜோன்ஸ் (Griff Rhys Jones) வலியுறுத்தியுள்ளார்.
