புற்றுநோயால் உயிரிழந்த கணவன்; வித்தியாசமாக அஞ்சலி செலுத்திய மனைவி

இங்கிலாந்தைச் சேர்ந்த ஒரு பெண், தனது கணவர் இரத்த புற்றுநோயால் உயிரிழந்த பிறகு, திருமண ஆடையை அணிந்து லண்டன் மாரத்தானை முடித்தார். லாரா கோல்மன்-டே தனது மறைந்த கணவருக்கு அஞ்சலி செலுத்தும் விதமாக 12 மாதங்களில் 13 மாரத்தான் ஓட்டங்களை நடத்தும் சவாலை ஏற்றுக்கொண்டதாக பிபிசி தெரிவித்துள்ளது.

இரத்த புற்றுநோய் ஆராய்ச்சி தொண்டு நிறுவனத்திற்கான நிதி திரட்டலின் ஒரு பகுதியாக, அவரது திருமண நாளில், மாரத்தானின் கடைசி மூன்று மைல்களை திருமண ஆடையை அணிந்து கொண்டு ஓட லாரா கோல்மன் முடிவு செய்தார்.

23 மைல்கள் ஓடிய லாரா, இன்னும் மூன்று மைல்கள் மீதமுள்ள நிலையில், தனது திருமண ஆடையை மாற்றினார். பின்னர் அவர் திருமண வேடத்தில் ஓடி போட்டியை முடித்தார். இந்த திருமண ஆடையை அணிந்து கொண்டு ஓடுவது மிகவும் கடினமாக இருந்தபோதிலும், அதை தனது கணவருக்காக அணிந்து கொண்டு ஓடியதாக லாரா கூறுகிறார். கடுமையான வெப்பம் மற்றும் கனமான ஆடை ஆகியவற்றின் காரணமாக மாரத்தான் ஓடுவது கடினமாக இருந்தாலும், பந்தயத்தை முடித்ததில் தான் பெருமைப்படுவதாக அவர் மேலும் கூறினார்.