தலைமறைவான இளவரசர் ஆண்ட்ரூ மனைவி?

சர்ச்சையில் சிக்கிய முன்னாள் இளவரசரான ஆண்ட்ரூவின் மனைவியான சாரா ஃபெர்குசன் எங்கிருக்கிறார் என்பது யாருக்கும் தெரியவில்லை.

தலைமறைவான சாரா

ஆண்ட்ரூவின் முன்னாள் மனைவியான சாரா, பொது இடங்களில் தலைகாட்டுவதே இல்லை. அவர் மூன்று மொபைல்களை வைத்துள்ளதாகவும், தன்னை யாரும் ட்ராக் செய்துவிடக்கூடாது என்பதற்காக அவற்றை மாற்றி மாற்றி பயன்படுத்திவருவதாகவும் அவரது நண்பர் ஒருவர் தெரிவித்துள்ளார்.

மேலும், விவாகரத்தான நிலையிலும் தன் முன்னாள் கணவரான இளவரசர் ஆண்ட்ரூ வீட்டில் தங்கிவந்த சாரா, இப்போது அவருடன் இல்லை.

இந்நிலையில், தன் முன்னாள் காதலர்கள் சிலருடைய உதவியை சாரா நாடியுள்ளதாக கூறப்படுகிறது.

கடந்த மாதம், சாரா, Paddy McNally என்னும் தன் முன்னாள் காதலர் வீட்டில் மறைந்து தங்கியிருந்ததாக தகவல் வெளியானது. ஆண்ட்ரூவை திருமணம் செய்வதற்கு மூன்று ஆண்டுகள் முன் வரை சாராவும் Paddyயும் காதலித்துவந்துள்ளார்கள்.

இந்நிலையில், தற்போது சாரா தன் முன்னாள் காதலரான Gaddo della Gherardesca என்பவருடன் தங்கியிருப்பதாக கூறப்படுகிறது.

1997 முதல் 1998 வரையிலான காலகட்டத்தில் சாராவும் Gaddoவும் காதலித்துவந்துள்ளார்கள்.

Paddyயைப் போலவே Gaddoவும் பெரிய செல்வந்தர் ஆவார். அவருக்கு இத்தாலியிலுள்ள Tuscanyயில் ஒரு பிரம்மாண்ட வீடும், சுவிட்சர்லாந்திலுள்ள Verbierஇல் ஒரு பனிச்சறுக்கு ரிசார்ட்டும் உள்ளது குறிப்பிடத்தக்கது.