விசுவமடு தேராவில் மாவீரர் துயிலும் இல்லத்தில் சிரமதானப் பணிகள் ஆரம்பம்

தமிழ் மக்களுக்காக தங்களது இன்னுயிர்களை ஈகம் செய்த மாவீரர்களை போற்றி வணங்கும் தேசிய மாவீரர் நாள் நிகழ்வுகள் இம்முறையும் நவம்பர் 27 ஆம் திகதி தமிழர் தாயகம் எங்கும் தமிழர்கள் வாழும் தேசமெங்கும் உணர்வுபூர்வமாக அனுஷ்டிக்கப்பட இருக்கின்றது.

அந்த வகையில் நேற்று விசுவமடு தேராவில் மாவீரர் துயிலும் இல்லத்தில் மாவீரர் துயிலும் இல்ல பணிக்குழு மற்றும் மாவீரர்களுடைய பெற்றோர்கள் பொதுமக்கள் இணைந்து மாவீரர் துயிலும் இல்லத்தில் மாவீரர்களுக்காக அஞ்சலி செலுத்தியதை தொடர்ந்து சிரமதான பணிகள் ஆரம்பிக்கப்பட்டு இடம்பெற்று வருகின்றன.

வழமை போன்று இம்முறையும் நவம்பர் 27ஆம் திகதி மாவீரர் நாள் நிகழ்வுகள் மிகச் சிறப்பாக இடம் பெறும் எனவும் அதற்கான ஏற்பாடுகளை முன்னெடுப்பதற்காக பணிக்குழு தங்களை தயார் படுத்தி வருவதாகவும் எனவே தொடர்ச்சியாக இடம்பெறும் சிரமதான பணிகள் ஏற்பாட்டுப் பணிகள் மற்றும் நினைவேந்தல் நிகழ்வில் அனைத்து உறவுகளையும் கலந்து கொள்ளுமாறு பணிக் குழுவினர் அழைப்பு விடுத்துள்ளனர்