அமைச்சுக்கள் மீது கழுகுப் பார்வை!; கண்காணிக்க அரசின் பொறிமுறை 

இலங்கையில் முதன்முறையாக கொள்கைகளை நடைமுறைப்படுத்துவதில் அமைச்சுக்களை மேற்பார்வையிடவும் ஆலோசனை வழங்கவும் ஒரு பொறிமுறையை அரசாங்கம் நிறுவ உள்ளதாக தகவல்கள் தெரிவிக்கின்றன.

இது தேர்தலுக்கு முன்னதாக தேசிய மக்கள் சக்தியின் கொள்கைகளின் பரிணாமம் மற்றும் வரைவு ஆகியவற்றில் ஈடுபட்டிருந்த பாராளுமன்ற உறுப்பினர்கள் மற்றும் நிபுணர்களை உள்ளடக்கிய அமைப்பாக இருக்கும் எனவும் அந்த தகவலில் தெரிவிக்கப்பட்டுள்ளது.

ஜனாதிபதி தேர்தலை முன்னிட்டு தேசிய மக்கள் சக்தி தனது தேர்தல் விஞ்ஞாபனத்தில் இதனை அறிவித்துள்ளது. ஒவ்வொரு அமைச்சும் இந்த அமைப்பின் கண்காணிப்பு மற்றும் மேற்பார்வையின் கீழ் வரும்.

இது அமைச்சரவை அமைச்சர்களுக்கு அவர்களின் கடமைகளை நிறைவேற்றுவதில் வழிகாட்டுதலை வழங்கும் எனவும் தெரிவிக்கப்பட்டுள்ளது.

அரசாங்கம் ஏற்கனவே 22 அமைச்சர்கள் மற்றும் 29 பிரதி அமைச்சர்கள் கொண்ட அமைச்சரவையை நியமித்துள்ளது. முதல் அமைச்சரவை கூட்டம் ஏற்கனவே இடம்பெற்று முடிந்துள்ளது.

முன்னாள் ஜனாதிபதி மஹிந்த ராஜபக்சவின் காலத்தில் அமைச்சரவை அமைச்சர்களின் செயற்பாடுகளை கையாள்வதற்காக கண்காணிப்பு பாராளுமன்ற உறுப்பினர்கள் ஒரு சந்தர்ப்பத்தில் நியமிக்கப்பட்டிருந்தனர். எனினும் அது ஒரு முறையான பொறிமுறையாக இருக்கவில்லை.