தமிழகத்தில் முந்தும் விஜய்; ஸ்டாலினின் நிலை என்னவாகும்?

தமிழக அரசியலில் சென்னையின் 22 தொகுதிகளும் பாரம்பரியமாக திமுகவின் மிக வலுவான கோட்டையாகக் கருதப்படுபவை. ஆனால், தற்போது நடிகர் விஜய் தலைமையிலான தமிழக வெற்றிக் கழகத்தின் (தவெக) வருகை இந்தச் சூழலில் பெரும் மாற்றத்தை ஏற்படுத்தி வருவதாகக் கள ஆய்வுகள் தெரிவிக்கின்றன.

குறிப்பாக, சென்னையின் வடபகுதி மற்றும் மத்திய பகுதிகளில் உள்ள இளைஞர்கள் மற்றும் முதல்முறை வாக்காளர்கள் மத்தியில் தவெகவிற்குப் பெரிய அளவில் ஆதரவு பெருகி வருகிறது. இது திமுகவின் வாக்கு வங்கியில் பெரும் சரிவை ஏற்படுத்தக்கூடும் என்று அரசியல் விமர்சகர்கள் கருதுகின்றனர்.

சமீபத்திய கருத்துக்கணிப்புகள் மற்றும் மக்களின் நேரடிப் பேட்டிகளின்படி, ஆளும் திமுக அரசின் மீதுள்ள சில அதிருப்திகள் விஜய்க்குச் சாதகமாக மாறி வருகின்றன.

சென்னையில் நீண்டகாலமாகத் தீர்க்கப்படாத போக்குவரத்து நெரிசல் மற்றும் மழைக்கால வெள்ளப் பாதிப்புகள் போன்ற பிரச்சினைகளை முன்வைத்து தவெகவினர் தீவிரப் பிரசாரத்தில் ஈடுபட்டுள்ளனர்.

‘மாற்றம் வேண்டும்’ என்று விரும்பும் நடுத்தர வர்க்கத்தினர் மற்றும் கூலித் தொழிலாளர்கள் மத்தியில் விஜய்யின் அரசியல் நகர்வுகள் உன்னிப்பாகக் கவனிக்கப்படுகின்றன. இது திமுகவின் நீண்டகால அரசியல் ஆதிக்கத்திற்கு ஒரு மிகப்பெரிய சவாலாக உருவெடுத்துள்ளது.

மறுபுறம், திமுக தனது கோட்டையைத் தக்கவைத்துக்கொள்ள ‘பூத் கமிட்டி’ (Booth Committee) பணிகளை இப்போதே முடுக்கிவிட்டுள்ளது.

சென்னையில் உள்ள அனைத்து தொகுதிகளிலும் முதல்வர் மு.க.ஸ்டாலின் மற்றும் அமைச்சர் உதயநிதி ஸ்டாலின் ஆகியோர் நேரடியாகக் களமிறங்கி நலத்திட்டங்களை வழங்கி வருகின்றனர்.

தவெகவின் வருகையை வெறும் “சினிமா கவர்ச்சி” என்று திமுக தரப்பு விமர்சித்தாலும், உள்ளுக்குள் தவெகவின் அசுர வளர்ச்சியை அவர்கள் கவலையுடன் கவனித்து வருகின்றனர். குறிப்பாகத் தலித் மற்றும் சிறுபான்மையின வாக்குகளைத் தவெக ஈர்ப்பது திமுகவிற்குப் பெரும் பின்னடைவாக அமையும்.

2026 ஏப்ரல் 23இல் நடைபெறவுள்ள தேர்தலில், சென்னையில் உள்ள 22 தொகுதிகளில் தவெக குறைந்தபட்சம் 10 முதல் 12 தொகுதிகளில் திமுகவிற்கு மிகக் கடுமையான போட்டியை அளிக்கும் என எதிர்பார்க்கப்படுகிறது.

“எங்கள் பலம் தொண்டர்கள்” என்று திமுக கூறினாலும், “எங்கள் பலம் இளைஞர்கள்” என்று விஜய் பதிலடி கொடுத்து வருகிறார்.

தவெகவின் இந்த அதிரடி வளர்ச்சி, வரும் தேர்தலை ஒரு மும்முனைப் போட்டியாக மாற்றியுள்ளது.

சென்னையில் திமுகவின் கோட்டை தகருமா அல்லது மீண்டும் தற்காத்துக் கொள்ளப்படுமா என்பது மே 4-ஆம் திகதி வாக்கு எண்ணிக்கையின் போது தெரிந்துவிடும்.