சுவிஸ் சிறுவர்களின் ஆபத்தான உணவுப் பழக்கம்
சுவிட்சர்லாந்தில் சிறுவர்கள் மற்றும் இளம் பருவத்தினரின் உணவுப் பழக்கம் ஆரோக்கியமற்ற பாதையில் செல்வதாக ஆய்வு ஒன்று கவலை வெளியிட்டுள்ளது.
அவர்கள் அதிக அளவு இறைச்சி, கொழுப்பு மற்றும் சீனி ஆகியவற்றை உட்கொள்வதாகத் தெரியவந்துள்ளது.
இந்த நிலையில், போதுமான காய்கறிகள் மற்றும் பழங்களை உண்ணாமையும் இவர்களின் பொதுவான பழக்கமாக மாறியுள்ளது.
சுமார் 6 முதல் 17 வயதுக்குட்பட்டவர்களில் 13 சதவீதம் பேர் அதிக எடை அல்லது பருமனானவர்களாக உள்ளனர். இது நீரிழிவு நோய்க்கான ஆபத்துக் காரணிகளைக் கொண்டிருப்பதைக் காட்டுகிறது.
மேலும், நீரிழிவு நோய்க்கான அதிகரித்த ஆபத்தைக் குறிக்கும் இரத்த மதிப்புகள் 10 சதவீதம் சிறுவர்கள் மற்றும் இளம் பருவத்தினரிடமும் பதிவு செய்யப்பட்டுள்ளதாக உணவு பாதுகாப்பு மற்றும் கால்நடை விவகாரங்களுக்கான கூட்டாட்சி அலுவலகம் வெளியிட்ட அறிக்கையில்
தெரிவிக்கப்பட்டுள்ளது.
ஆய்வின் முடிவுகளுக்கமைய, பழங்கள் மற்றும் காய்கறிகளின் சராசரி நுகர்வு மிகவும் குறைவாக உள்ளது. இறைச்சி நுகர்வு அதிகமாக உள்ளது. சிற்றுண்டிகள் மற்றும் சர்க்கரை பானங்களும் பெரும்பாலும் உணவில் கணிசமான அளவில் சேர்க்கப்படுகின்றன.
குறிப்பாக இளம் பருவ ஆண்களிடையே புரத உட்கொள்ளல் ஒட்டுமொத்தமாக அதிகமாக உள்ளது. அதே நேரத்தில், சராசரியாக, போதுமான கார்போஹைட்ரேட்டுகள் மற்றும் உணவு நார்ச்சத்து உட்கொள்ளப்படுவதாகத் தெரியவந்துள்ளது.
