மணிக்கு 496 கிமீ வேகம்; புகாட்டியை விஞ்சிய BYD!
இந்த மாத தொடக்கத்தில் ஜெர்மனியில் நடந்த சோதனை ஓட்டத்தில் BYD இன் Yangwang U9 “Xtreme” என்ற சூப்பர் கார், மணிக்கு 496.22 கி மீ (மணிக்கு 308 மைல்கள்) என்ற அதிவேக வேகத்தைப் பதிவு செய்ததாக சீன மின்சார வாகன தயாரிப்பாளர்கள் திங்களன்று (23) தெரிவித்துள்ளனர்.
இது 2019 ஆம் ஆண்டில் புகாட்டியின் சிரோன் சூப்பர் ஸ்போர்ட் அமைத்த 490.5 கிமீ/மணி (304.7 மைல்) வேகத்தை எளிதில் முறியடித்து, உலகின் அதிவேக மின்சார கார் என்ற பட்டத்தை முதன்முறையாகப் பெற்றது.
எக்ஸ்ட்ரீம் என்பது BYD இன் மொடல்களின் உயர் செயல்திறன் கொண்ட தயாரிப்பாகும்.
இதன் விலை சீனாவில் சுமார் 233,000 அமெரிக்க டொலர்கள் ஆகும்.
ஆசிய வல்லரசு நாடான சீனாவில் மின்சார வாகனங்களின் பயன்பாடு உலகின் ஏனைய பகுதிகளை விட வெகுவாக அதிகரித்துள்ளது.
கடந்த ஆண்டு புதிய கார் விற்பனையில் மின்சார வாகனங்கள் 50% வரை இருந்தன.
மின்சார வாகனங்களுக்கான வரவேற்பு அதிகரித்து வருவதும் உற்பத்தியாளர்களிடம் கடுமையான போட்டி நிலவி வருகிறது.
மேலும் பேட்டரி மாற்றுதல் போன்ற எதிர்கால தொழில்நுட்பம் சீன சாலைகளில் ஒரு பொதுவான காட்சியாக மாறி வருகிறது.
