சஜித் அழைத்தார் தயாசிறி மறுத்தார்!
ஐக்கிய மக்கள் சக்தியில் சேருமாறு அதன் தலைவர் சஜித் பிரேமதாச பல சந்தர்ப்பங்களில் அழைத்த போதிலும், அதற்கு தான் உடன்படவில்லை என்று பாராளுமன்ற உறுப்பினர் தயாசிறி ஜெயசேகர தெரிவித்துள்ளார்.
பிரதித் தலைவர் அல்லது தலைவர் பதவிக்கு தனக்கு எந்த ஆசையும் இல்லை என்றும் அவர் கூறினார்.
கண்டியில் ஊடகங்களுக்கு கருத்து தெரிவிக்கையிலேயே பாராளுமன்ற உறுப்பினர் தயாசிறி இவ்வாறு கூறினார்.
அவர் மேலும் தெரிவிக்கையில் ,
நான் ஐக்கிய மக்கள் சக்தியின் உறுப்பினர் அல்ல. கடந்த பொதுத் தேர்தலில் ஐக்கிய மக்கள் சக்தியின் கீழ் ஸ்ரீலங்கா சுதந்திரக் கட்சியின் வேட்பாளராக நான் போட்டியிட்டேன். அந்தக் கட்சியின் மற்றொரு குழு சிலிண்டரின் கீழ் போட்டியிட்டது. சஜித் பிரேமதாச, ஐக்கிய மக்கள் சக்தியில் சேர என்னை பலமுறை அழைத்தார். ஆனால் நான் மரியாதையுடன் மறுத்துவிட்டேன்.
ஸ்ரீலங்கா சுதந்திரக் கட்சியை மீண்டும் கட்டியெழுப்ப நான் விரும்புகிறேன். பின்னர் நாம் ஒன்றாக வேலை செய்யலாம்.
பிரதித் தலைவர் அல்லது தலைவர் பதவிகள் குறித்து எனக்கு எந்த எதிர்பார்ப்பும் இல்லை. ஆனால் ஐக்கிய மக்கள் சக்தியின் ஒரு பகுதியாக நான் தொடர்ந்து பணியாற்றுவேன்.
ஸ்ரீலங்கா சுதந்திரக் கட்சியின் செயலாளர் பதவிக்கு எனது நியமனம் இரண்டு நீதிமன்றத் தீர்ப்புகளால் உறுதி செய்யப்பட்டுள்ளது. ஆனால் ரணிலின் காலத்தில், எனக்கு அதில் நுழைய அனுமதி மறுக்கப்பட்டது.
கட்சியைக் கட்டியெழுப்ப நாங்கள் இப்போது பல விவாதங்களைத் ஆரம்பித்துள்ளோம் . எல்லாவற்றிற்கும் மேலாக, கட்சி எங்களுக்கு முக்கியமானது. எதிர்காலத்தில், இந்தப் பிரச்சினை தீர்க்கப்பட வேண்டும், திருமதி சந்திரிகா மற்றும் மைத்ரிபா சிறிசேன உட்பட அனைவரும் ஒன்றிணைந்து ஸ்ரீலங்கா சுதந்திரக் கட்சியின் கட்டுமானத்தைத் தொடங்க வேண்டும்.
மிக விரைவில் நாம் ஸ்ரீலங்கா சுதந்திரக் கட்சியாக நம்மை மீண்டும் நிலைநிறுத்திக் கொள்ள வேண்டும். மாகாண சபைத் தேர்தலை முறையாக எதிர்கொள்ள விரும்பினால், அதற்கு முன்பே கட்சியைக் கட்டியெழுப்ப வேண்டும். இப்போது இது ஒரு விளம்பரப் பலகையாக மாறிவிட்டது.
நீதிமன்றத்தில் நிலுவையில் உள்ள வழக்குகளை அகற்ற அனைவரும் ஒன்றிணைந்து செயல்படவில்லை என்றால், கட்சி நிச்சயமாக மேலும் வீழ்ச்சியடையும் என்றார்.
