“தவறவிடப்பட்ட பாடம்“: தடைகளை நீக்கி பாதுகாப்பான நாடாக மாற்றுவோம் – ஹரிணி
குழந்தைகளுக்கான சிறந்த உலகத்தை உருவாக்க அரசாங்கம் தலையிடும் என பிரதமர் கலாநிதி ஹரிணி அமரசூரிய தெரிவித்துள்ளார்.
சிறுவர் தினத்தை முன்னிட்டு கல்வி அமைச்சின் ஏற்பாட்டில் களனி நாகானந்தா சர்வதேச பௌத்த கல்வி நிறுவனத்தில் செவ்வாய்க்கிழமை நடைபெற்ற தவறப்பட்ட பாடம் எனும் நிகழ்வில் கலந்துக்கொண்டு உரையாற்றும் போதே அவர் இதனைக் கூறினார்.
இங்கு மேலும் கருத்து தெரிவித்த பிரதமர்,
“நம் நாட்டில் பல பிரச்னைகள் மறக்கப்பட்டு, தவறவிடப்பட்டுள்ளன. குறிப்பாக எமது பிள்ளைகளின் கல்வி முறையும் முதியவர்களின் பொருளாதாரமும் இதனைப் பாதித்துள்ளது. விடுபட்ட பாடங்களில் நமது மனித நேயத்திற்கு இன்றியமையாத விடயங்கள் உள்ளன.
ஒருவருக்கொருவர் அக்கறை, பாதுகாப்பு, ஒற்றுமை, அன்பு, மரியாதை, மற்றவர்களைப் புரிந்துகொள்வது, துக்கத்தில் நட்பு, முதியவர்களை எவ்வாறு கையாள்வது, முதியவர்களைக் கவனிப்பது, நாம் வாழும் சூழல். விலங்குகளை எவ்வாறு பராமரிப்பது என்பது உள்ளிட்ட பல பாடங்களை நாங்கள் தவறவிட்டுள்ளோம்.
மனித தரத்தை மேம்படுத்தி சிறந்த சூழலை உருவாக்குவதே எமது நோக்கம். பெரியவர்களான நாம் தவறவிட்ட பல பாடங்கள் உள்ளன. அந்தப் பாடங்களைக் கற்றுக் கொள்வோம். இந்த உலகத்தை மிகவும் அழகான இடமாக, பணக்கார நாடாக, பாதுகாப்பான நாடாக மாற்ற வேண்டிய பொறுப்பு அனைவருக்கும் உள்ளது.
குழந்தைகளின் மனிதப் பண்புகளை வளர்ப்பதில் உள்ள தடைகளை நீக்கி அவர்கள் மகிழ்ச்சியுடன் வாழும் உலகத்தை உருவாக்குவது நமது பொறுப்பு.
அவர்களுக்கான புதிய உலகத்தை உருவாக்க நாங்கள் தலையிடுகிறோம். இந்த நாட்டை மாற்றுவோம்” என்று உறுதியளித்தார்.
