பலதும் பத்தும்

அடுத்த 3 ஆண்டுகளில் AI மனிதக் கட்டுப்பாட்டை மீறக்கூடும் என எச்சரிக்கை!

செயற்கை நுண்ணறிவு (AI) தொழில்நுட்பம் எதிர்காலத்தில் மனிதர்களின் கட்டுப்பாட்டை மீறிச் செயல்படக்கூடும் என பகிரங்க ஏஐ நிர்வாகக் குழு உறுப்பினர் பால் கிறிஸ்டியானோ எச்சரித்துள்ளார்.

கனடாவில் நடைபெற்ற ‘The Hinton Lectures 2026’ நிகழ்ச்சியில் பங்கேற்ற அவர், அடுத்த மூன்று ஆண்டுகளுக்குள் செயற்கை நுண்ணறிவு மனிதர்களின் கட்டுப்பாட்டை மீறுவதற்கான வாய்ப்புகள் அதிகமாக இருப்பதாகத் தெரிவித்துள்ளார்.

அத்துடன், அடுத்த ஆறு முதல் 12 மாதங்களுக்குள்ளேயே இதற்கான குறிப்பிடத்தக்க ஆபத்து ஏற்படக்கூடும் என்றும் அவர் சுட்டிக்காட்டியுள்ளார்.
செயற்கை நுண்ணறிவு மனிதர்களின் கட்டுப்பாட்டை மீறுவது என்பது, பூமியில் என்ன நடக்க வேண்டும் என்பதை மனிதர்களுக்குப் பதிலாக செயற்கை நுண்ணறிவு அமைப்புகளே தீர்மானிக்கும் நிலையை உருவாக்குவதாகும் என அவர் விளக்கமளித்துள்ளார்.

மேலும், செயற்கை நுண்ணறிவு தொழில்நுட்பத்தில் ஏற்படக்கூடிய தவறுகள் எதிர்காலத்தில் மனித உயிரிழப்புகளுக்கும் காரணமாகலாம் எனவும் அவர் எச்சரித்துள்ளார்.

எனினும், இவை துல்லியமான அறிவியல் கணிப்புகள் அல்ல என்றும், தனது தனிப்பட்ட மதிப்பீடுகளின் அடிப்படையிலேயே இந்தக் கருத்துகளை முன்வைப்பதாகவும் பால் கிறிஸ்டியானோ தெரிவித்துள்ளார்.

இந்த நிலையில், செயற்கை நுண்ணறிவு தொழில்நுட்பத்தின் வளர்ச்சியுடன் அதன் பாதுகாப்பு அம்சங்களுக்கும் முக்கியத்துவம் அளிக்கப்பட வேண்டும் என்றும், அதனால் ஏற்படக்கூடிய ஆபத்துகளைக் குறைப்பதற்கான நடவடிக்கைகளை தொழில்நுட்ப நிறுவனங்கள் முன்னெடுக்க வேண்டும் என்றும் நிபுணர்கள் வலியுறுத்தி வருகின்றனர்.

Loading

Leave a Reply

Your email address will not be published. Required fields are marked *