ட்ரம்பின் அதிரடி அறிவிப்பை தொடர்ந்து அரபிக் கடலுக்குள் சென்றுள்ள 3 ஈரான் கப்பல்கள்
டொனால்ட் ட்ரம்ப், அமெரிக்கா ஹோர்முஸ் நீரிணையை முற்றுகையிடும் என்று அறிவித்ததிலிருந்து, ஈரான் கொடி ஏந்திய மூன்று கப்பல்கள் நீரிணை வழியாக ன என்று மரைன்ட்ராஃபிக் தரவுகள் தெரிவிக்கின்றன.
ஏப்ரல் 13 அன்று கிழக்கு நேரப்படி காலை 10:00 மணிக்கு (ஜிஎம்டி 14:00) இந்த முற்றுகை தொடங்கும் என்றும், “ஈரானிய துறைமுகங்களுக்குள் நுழையும் மற்றும் வெளியேறும் அனைத்து கடல்வழிப் போக்குவரத்திற்கும்” எதிராக இது நடைமுறைப்படுத்தப்படும் என்றும் அமெரிக்க மத்திய கட்டளைப் பிரிவு தெரிவித்துள்ளது.
ஒரு முற்றுகை கடல்சார் சட்டத்தை மீறக்கூடும் என்று மூன்று சட்ட வல்லுநர்கள் பிபிசியிடம் தெரிவித்துள்ளனர்.
மேலும், இராணுவ ரீதியாக நடைமுறைப்படுத்தப்படும் ஒரு முற்றுகை, தற்போதைய போர்நிறுத்த ஒப்பந்தத்தை மீறுமா என்றும் அவர்களில் ஒருவர் கேள்வி எழுப்பியுள்ளார்.
கடந்த செவ்வாய்க்கிழமை மாலை போர் நிறுத்தம் அறிவிக்கப்பட்டதிலிருந்து, குறைந்தது 60 கப்பல்கள் – அதாவது ஒரு நாளைக்கு சராசரியாக 10 – அந்த நீர்வழிப்பாதையைக் கடந்து சென்றுள்ளன.
கூட்டு கடல்சார் தகவல் மையத்தின்படி, போர் நிறுத்தம் ஏற்படுவதற்கு முன்பு இருந்ததை விட இது ஒரு குறிப்பிடத்தக்க அதிகரிப்பு ஆகும், ஆனாலும் போருக்கு முந்தைய காலகட்டத்தில் தினமும் சுமார் 138 கப்பல்கள் இந்த நீர்வழிப்பாதையைக் கடந்து சென்றன.
அந்த காலகட்டத்துடன் ஒப்பிடுகையில் இது ஒரு சிறு பகுதியே என்பது குறிப்பிடத்தக்கது.
