98 வது ஒஸ்கார் விருதுகள்!

சினிமா உலகில் தலைசிறந்த விருதாக கருதப்படும் ஒஸ்கார் விருதுகள் அமெரிக்காவின் லொஸ் ஏஞ்சல்ஸ் நகரில் ஆண்டுதோறும் நடைபெறும் உலகப்புகழ்பெற்ற திரைப்பட விருது விழாவாகும்.

திரைத்துறையில் மிகச்சிறந்த பங்களிப்பை வழங்கும் கலைஞர்கள் மற்றும் படங்களுக்கு இந்த விருதுகள் வழங்கப்படுகின்றன.

இந்த விருதினை பெறுவது உலகெங்கும் திரைப்பட கலைஞர்களின் கனவாக உள்ளது.

சிறந்த படம், சிறந்த நடிகர், சிறந்த நடிகை, சிறந்த தொழில்நுட்பக் கலைஞர்கள் என பல்வேறு பிரிவுகளில் வழங்கப்பட்டு வருகிறது.

அந்த வகையில், 98-வது ஒஸ்கார் விருதுகள் வழங்கும் விழா அமெரிக்காவின் லொஸ் ஏஞ்சல்ஸ் நகரில், ஹொலிவுட்டில் உள்ள டொல்பி தியேட்டரில் இலங்கை நேரப்படி, அதிகாலை 4.30 மணிக்கு கோலாகலாமாக ஆரம்பமானது.

இந்த விழாவை கெனன் ஓ பிரையன் தொகுத்து வழங்குகிறார்.

இந்த விழாவின் முதல் விருதாக சிறந்த துணை நடிகைக்கான ஒஸ்கார் விருது, வெப்பன்ஸ் (Weapons) படத்தில் நடித்த ஏமி மெடிகனுக்கு வழங்கப்பட்டது.

சிறந்த அனிமேஷன் திரைப்படத்திற்கான விருது கே-பெப் டிமன் ஹண்டர் படத்திற்கும், சிறந்த அனிமேஷன் குறும்படத்திற்கான விருது தி கேர்ள் ஹூ கிரைட் பியர்ல்ஸ் குறும்படத்திற்கும் வழங்கப்பட்டது.

சிறந்த துணை நடிகருக்கான ஒஸ்கார் விருது சீன் பென் Sean penn) க்கு வழங்கப்பட்டுள்ளது.

போர் சூழலுக்கு மத்தியில் ஒஸ்கார் விருதுகள் விழா நடைபெறும் நிலையில், லொஸ் ஏஞ்சல்ஸ் நகரம் முழுவதும் பாதுகாப்பு பல மடங்கு அதிகரிக்கப்பட்டுள்ளது.

விருந்தினர்கள் பல கட்ட சோதனைக்கு பிறகே அனுமதிக்கப்படுகின்றனர்.

மேலும், ஒஸ்கார் விழாவிற்கு பாதுகாப்பு அச்சுறுத்தல் எதுவும் இல்லை என லொஸ் ஏஞ்சல்ஸ் பொலிஸார் அறிவித்துள்ளனர்.