ஈரானில் தொடர் பணவீக்கமும் நாணய சரிவும்: பொருளாதார வீழ்ச்சியால் டெஹ்ரானில் போராட்டம்!…  ஐங்கரன் விக்கினேஸ்வரா

பெரும் பொருளாதார நெருக்கடி காரணமாக ஈரானியர்களை வீதிகளில் இறங்கி போராட வைத்துள்ளது. அதிக பணவீக்கம் மற்றும் நாணய சரிவு ஈரானியர்களின் மீது பெரும் சுமையாக கருதப்படுகிறது. கடும் பட்ஜெட்டுகளின் காரணமாக நாட்டின் தலைவர்களுக்கு பொருளாதார சவால் ஏற்பட்டுள்ளது.

ஈரானிய அரசு ஊடகங்கள் வெளியிட்ட அறிக்கையின் படி, அமெரிக்க டாலருக்கு எதிராக ஈரானின் நாணய மதிப்பு குறைந்துள்ளது. இந்த நாணய மதிப்பு வீழ்ச்சியடைந்ததால் கடந்த திங்களன்று டிசம்பர் 29, 2025 தெஹ்ரானில் மக்கள் போராட்டத்தைக் கட்டுப்படுத்த முடியாமல் போனது.

தலைநகர் தெஹ்ரான் மற்றும் ஈரானின் பிற நகரங்களில் போராட்டக்காரர்கள் வீதிகளில் இறங்கி, அதிகரித்து வரும் பணவீக்கத்தையும், குடும்ப வரவு செலவுத் திட்டங்களில் ஏற்படுத்திய தேசிய நாணயத்தின் சரிவையும் கண்டித்தனர்.

கடந்த வார இறுதியில் அமெரிக்க டாலருக்கு எதிராக ஈரானிய நாணய மதிப்பு வரலாறு காணாத அளவிற்கு சரிந்தது. மேலும் டிசம்பரில் இந்த ஆண்டின் பணவீக்க விகிதம் 42.2 சதவீதமாக உயர்ந்தது. இந்த கொந்தளிப்புக்கு மத்தியில், ஈரானின் மத்திய வங்கியின் தலைவர் முகமது ரெசா ஃபார்சின் திங்களன்று ராஜினாமா செய்தார். ஈரான் ஜனாதிபதியின் ஒப்புதல் வரை அவர் காத்திருக்கிறார் என்று உள்ளூர் செய்தி ஊடகங்கள் செய்தி வெளியிட்டுள்ளன. முன்னாள் பொருளாதார அமைச்சர் அப்துல்னேசர் ஹெம்மாட்டி அவருக்குப் பதிலாகப் பதவியேற்க உள்ளார்.

இதன் பின்னர் நாடாளுமன்றத்தில் நாட்டின் முன்மொழியப்பட்ட 2026 பட்ஜெட் குறித்து பேசிய ஜனாதிபதி மசூத் பெஷேஷ்கியன், நெருக்கடியின் சிக்கலான அளவை ஒப்புக்கொண்டார்.

சம்பளத்தை உயர்த்துங்கள் என்று மக்கள் கூறுகிறார்கள். எங்கிருந்து பணம் பெறுவோம்? இந்த நிலைமைக்கு முந்தைய அரசாங்கங்கள், பாராளுமன்றங்கள் மற்றும் அதிகாரிகள் எடுத்த முடிவுகளை அவர் குற்றம் சாட்டினார்.

இதேவேளை ஈரானில் கடுமையான பணவீக்கம் மற்றும் நாணய சரிவு காரணமாக, அதன் உள்ளூர் நாணயமான ரியாலிலிருந்து நான்கு பூஜ்ஜியங்களை நீக்க ஈரான் அரசாங்கம் சமீபத்தில் முடிவெடுத்தது. உண்மையில் இது சர்வதேச பொருளாதாரத் தடைகளால் ஏற்பட்ட சரிவை நிர்வகிப்பதற்கான ஒரு முயற்சியாகும். இதனால் தினசரி பணப் பரிவர்த்தனைகளில் ஏற்படும் குழப்பத்தைத் தவிர்க்க முடியும் என்று நிபுணர்கள் கருதுகின்றனர்.

நீண்ட காலமாக அமெரிக்கா உள்ளிட்ட மேற்குலக நாடுகளின் பொருளாதாரத் தடைகள் ஈரானின் நாணயத்தின் மதிப்பை கடுமையாக வீழ்ச்சியடையச் செய்துள்ளன. கடுமையான பணவீக்கம் காரணமாக அதிக மதிப்புடைய நோட்டுகளைப் பயன்படுத்த வேண்டிய கட்டாயம் ஏற்பட்டுள்ளது. இதனால் தினசரி வர்த்தக பரிவர்த்தனைகள் கடினமாகி விட்டன.

ஈரானில் புதிய நாணயமான “Toman” அறிமுகப்படுத்தப்படும் என எதிர்பார்க்கப்படுகிறது. இது பணத்தின் மதிப்பை திடீரெனக் குறைத்தாலும், பணப் பரிவர்த்தனைகளை எளிதாக்கும் என்று எதிர்பார்க்கப்படுகிறது. ஆனாலும்

ஈரானின் பணவீக்க நெருக்கடியும், நாணய சரிவும், அரசாங்கத்தை இந்த குறிப்பிடத்தக்க நிதி சீர்திருத்தத்தை மேற்கொள்ளத் தூண்டியுள்ளது.

2025 ஜூன் மாதத்தில் இஸ்ரேல் மற்றும் அமெரிக்காவால் ஈரான் அணுசக்தி நிலையங்கள் மீதான பாரிய தாக்குதல்கள் நடைபெற்றன. இதன் பின்னர் ஈரானின் அணுசக்தி திட்டம் குறித்து ஒரு புதிய ஒப்பந்தத்தைப் பெறுவதை நோக்கமாகக் கொண்ட டிரம்ப் நிர்வாகத்திடமிருந்து அதிகபட்ச அழுத்தம் மீண்டு வரும் என்று எதிர்பார்க்கப்படுகிறது.

92 மில்லியன் மக்களைக் கொண்ட பாரசீக நாட்டின் கட்டுப்பாட்டைப் பராமரிக்க ஈரானின் தலைவர்கள் முயல்வதால், பொருளாதாரக் குழப்பம் ஒரு புதிய சவாலை ஏற்படுத்தி வருகிறது. 2017 முதல் பொருளாதார ரீதியான பிரச்சினைகள், வறட்சி மற்றும் பிற குறைகளால் தூண்டப்பட்ட போராட்டங்களின் தொடர்ச்சியான விளைவுகளை ஈரான் சந்தித்து வருகிறது.

தற்போதைய புதிய ஆர்ப்பாட்டங்கள் வளர்ந்து கூடுதல் நகரங்களுக்கு பரவுமா என்பது உடனடியாகத் தெளிவாகத் தெரியவில்லை.ஈரானிய பாதுகாப்புப் படைகள் முந்தைய போராட்டங்களை கைதுகள் மூலம் அடக்கியுள்ளன. மக்கள் புகார்களை பகிரங்கப்படுத்தும் வேளையில் ஆபத்தை எதிர்கொண்டனர். தெஹ்ரானிலும் குறைந்தது இரண்டு நகரங்களிலும் நடந்த போராட்டங்களை கலைக்க பாதுகாப்புப் படையினர் கண்ணீர் புகை குண்டுகளை வீசியுள்ளனர்.

ஈரானின் ஆழ்ந்த பொருளாதார நெருக்கடிக்கு, மோசமான மேலாண்மை முதல் நாட்டின் பொருளாதாரத்தை மூடி வைத்திருக்கும் கொள்கைகள் வரை காரணம் என்று நிபுணர்கள் கூறுகின்றனர். ஈரானின் எண்ணெய் விற்பனையை வெளிநாடுகளுக்கு மட்டுப்படுத்த டிரம்ப் நிர்வாகம் மேற்கொண்ட முயற்சிகள் மற்றும் ஜூன் மாதத்தில் இஸ்ரேலுடனான போர், இதன் போது அரசாங்கம் ஈரானிய வங்கிகளை அதன் செலவுகளை ஈடுகட்ட பயன்படுத்தியது, ஆகியவை பொருளாதாரம் மோசமடைவதற்கு பங்களித்தன.

இந்த நெருக்கடியை விரைவாக நிவர்த்தி செய்ய ஈரான் அரசாங்கத்திடம் சரியான வழிகள் உள்ளனவா என தெரியவில்லை. அமெரிக்காவுடனான உறவை மாற்ற வேண்டிய சூழல் ஏற்பட்டுள்ளது என்று பொருளாதார வல்லுநர்கள் கூறுகின்றனர்.

பொருளாதாரத் தடைகள் மீதான நிவாரணத்திற்கு ஈடாக அமெரிக்காவுடனான அதன் உறவை அது மாற்றினால் மட்டுமே ஈரான் மீண்டெழ முடியும். அல்லது அரசாங்க, பாதுகாப்பு செலவினங்களை வெகுவாகக் குறைக்க வேண்டும். ஆனால் எந்த வகையிலும் சாத்தியமில்லை என்றும் கூறப்படுகிறது.

ஈரானில் நீடித்த அதிக பணவீக்கத்தின் ஆபத்து, வெனிசுலா மற்றும் அர்ஜென்டினா போன்ற சமீபத்திய அனுபவங்கள் குறித்து ஐயப்பட வேண்டியுள்ளது. தற்போது முன்மொழியப்பட்ட 2026 பட்ஜெட் அரசாங்கத்தின் இக்கட்டான நிலையைக் காட்டுகிறது. எண்ணெய் வருவாயில் கணிசமான குறைவு மற்றும் வரி வருவாயில் அதிகரித்த சார்பு ஆகியவற்றைப் பிரதிபலிக்கிறது.

தற்போதைய நிலைமை குறித்து பொருளாதார, வெளியுறவு அமைச்சகங்கள் உடனடியாக பதிலளிக்கவில்லை. பொருட்கள் மற்றும் சேவைகளுக்கான விலைகள் உயர்ந்து கொண்டிருக்கும் போது, ​​அவர்களின் சம்பளம் மற்றும் சேமிப்புகளின் மதிப்பு வீழ்ச்சியடைவதைப் பார்த்த சாதாரண ஈரானியர்களுக்கு நாணயச் சரிவு பெரும் வேதனையாக உள்ளது.

ஈரானிய ரியாலின் மதிப்பு ஒரு அமெரிக்க டாலருக்கு, 11,50,000ஆக குறைந்துள்ளதால், பூஜ்ஜியங்களை நீக்க அந்நாடு முடிவு செய்துள்ளது. தனது நாணயமான ரியாலில் இருந்து நான்கு பூஜ்ஜியங்களை நீக்க ஈரான் முன்வந்துள்ளது. ஈரான் அரசு நான்கு

பூஜ்யங்களை நீக்கும் மசோதாவை நாடாளுமன்றத்தில் நிறைவேற்றியுள்ளது.

2019 ஆம் ஆண்டிலே இந்த திட்டம் முன்மொழியப்பட்டாலும், அதன் பின்னர் பல்வேறு காரணங்களால் ஒத்திவைக்கப்பட்டது. தற்போது நிறைவேற்றப்பட்டுள்ளது.

ஈரானின் பொருளாதார கவுன்சிலின் ஒப்புதல் மற்றும் ஜனாதிபதி மசூத் பெஷேஷ்கியன் சட்டமாக கையெழுத்திட்ட பின்னர் இந்த திட்டம் நடைமுறைக்கு வரும்.

வர்த்தக பரிவர்த்தனைகளை எளிதாக்குதல், விலை நிர்ணய குழப்பத்தை நீக்குதல் போன்ற நோக்கில் இந்த திட்டம் நடைமுறைபடுத்தப்படுகிறது.

இந்த மாற்றத்தை மேற்கொள்ள ஈரான் மத்திய வங்கிக்கு 2 ஆண்டுகள் அவகாசம் வழங்கப்பட்டுள்ளது.

ஐநாவின் தடைகள், சர்வதேச நாடுகளின் தடை உள்ளிட்ட பல்வேறு காரணங்களால், ஈரானின் பணவீக்கம் 35% ஆக அதிகரித்துள்ளது. சர்வதேச சந்தையில் ஈரானின் நாணயத்தின் மதிப்பு, ஒரு அமெரிக்க டொலருக்கு, 1,150,000 ரியால்களாகக் குறைந்துள்ளது. இதே போல் அதிகளவிலான பணவீக்கத்தை எதிர்கொண்ட நாடுகள் தங்கள் நாணயத்தில் இருந்து, பூஜ்ஜியங்களை நீக்கும் நிகழ்வு நடைபெற்றுள்ளது.

ஜிம்பாப்வே அரசு 2000 ஆம் ஆண்டில் அதன் நாணயத்தில் இருந்து பூஜ்ஜியங்களை நீக்கியது. வெனிசுலா, 2018 மற்றும் 2021 ஆம் ஆண்டிலும் அதன் நாணயத்திலிருந்து 5 பூஜ்ஜியங்களை நீக்கியது. ஆனால் இந்த நாடுகளில் பணவீக்கம் அதிகரித்து வருவது ஒரு சவாலாகவே உள்ளது.

துருக்கி அரசு 2005 ஆம் ஆண்டில் அதன் நாணயத்திலிருந்து 6 பூஜ்ஜியங்களை நீக்கியது. இதன் மூலம் பொருளாதாரத்தை உறுதிப்படுத்தவும் பணவீக்கத்தைக் குறைக்கவும் உதவியது.