வடகிழக்கில் நிரந்தர அமைதி நீதியை நிலைநாட்ட அவுஸ்திரேலியா அமெரிக்க தமிழ் அமைப்புகள் பிரதமர் மோடியிடம் கோரிக்கை:

இந்தியப் பிரதமர் நரேந்திர மோடியின் இலங்கை விஜயம் எதிர்வரும் ஏப்ரல் 4-6, 2025 நடைபெற உள்ளது. இவ்வேளையில் வடகிழக்கு தாயகத்தில் நிரந்தர அமைதியை, நீதியை நிலைநாட்ட இந்திய பிரதமர் மோடியிடம் அவுஸ்திரேலிய தமிழ் காங்கிரஸும், அமெரிக்க தமிழ் செயல் அமைப்பும் இணைந்து (Australian Tamil Congress – ATC & USA Tamil Action Group -USTAG) கூட்டாக கோரிக்கை விடுத்துள்ளனர்.

ஈழத் தமிழர்களும், உலகளாவிய புலம்பெயர்ந்த தமிழ் மக்களும், ஏப்ரல் 4 இல் இந்தியப் பிரதமர் திரு. நரேந்திர மோடியின் இலங்கை வருகையை எதிர்பார்ப்புடன் வரவேற்கின்றனர்.

இலங்கை நாட்டின் எரிசக்தித் துறையில் முக்கிய வளர்ச்சித் திட்டங்களில் ஒன்றை நடைமுறைப்படுத்த தமிழர் தாயக நகரமாகிய திருகோணமலைக்கு இந்திய பிரதமர் வருகை தருவார் என்று எதிர்பார்க்கப்படுகிறது என்பது மிகவும் குறிப்பிடத்தக்கது.

இந்தியப் பிரதமரின் வருகை தமிழ் மக்களுக்கு ஆறுதல் மரியாதை அளிக்கும் அதே வேளையில், துணைக்கண்ட பாதுகாப்பு உள்ளிட்ட பெரிய திட்டங்களைத் தொடங்குவதன் மூலமும் வெற்றியை எதிர் நோக்குகிறோம்.

குறிப்பாக தமிழ் மக்கள் நிகழ்காலம் மற்றும் கடந்த காலத்தின் சுமைகளைத் தாங்கும் சிக்கலான சூழ்நிலையில் உள்ளார்கள். இதை நாங்கள் பிரதமருக்கும் இந்தியாவின் தார்மீக தலையீட்டிற்கும் கொண்டு வர விரும்புகிறோம்.

தற்போதைய நிதி மற்றும் பொருளாதார நெருக்கடியான சூழ்நிலைகள் நாடு தழுவிய ரீதியில் இருந்தபோதிலும், வடகிழக்கு தமிழர் தாயக மக்கள் தொடர்ந்து நில அபகரிப்பு, புத்தமதமயமாக்கல் மற்றும் இராணுவமயமாக்கல் போன்ற மிகப்பெரிய நெருக்கடியில் உள்ளனர். இது தமிழ் மக்களின் எதிர்கால வளர்ச்சியை முழுமையாக முடக்குகிறது.

போர் முடிவடைந்து மே 2009 பின்னர், கடந்த 16 ஆண்டுகளில் இராணுவத்தின் கடுமையான கட்டுப்பாடு மற்றும் செல்வாக்கு, தமிழ் மக்களின் பொருளாதார, கல்வி, சிவில் மற்றும் சமூக நடவடிக்கைகளில் ராணுவத்தின் ஆதிக்கம் பரவுவதற்கு வழிவகுத்து வருகிறது.

மேலும் தமிழ் இனப்படுகொலையின் நினைவு கூறல்களை மிருகத்தனமாக சிறுலங்கா அரசு அடக்கி ஒடுக்கி வருகிறது. ஆயினும் அனைத்து தடைகளையும் மீறி வடகிழக்கில் 14 ஆண்டுகளுக்கும் மேலாக தொடர்ந்து விழிப்புணர்வு மற்றும் உண்ணாவிரத போராட்டம் மூலம் மக்கள் நினைவு கூர்ந்து வருகின்றனர்.

இந்திய பிரதமர் இலங்கைக்கு வருகை தருவதற்கு முன்னதாக, உண்மை, பொறுப்புக்கூறல், நீதி மற்றும் இழப்பீடுகள் தொடர்பாக, ஐ.நா. மனித உரிமைகள் உயர் ஸ்தானிகர் அலுவலகத்தின் (OSLAP) இலங்கை பொறுப்புக்கூறல் அலுவலகம் (Office of Sri Lanka Accountability Project – OSLAP) தன்னறிக்கையை வெளியிட்டுள்ளது.

OSLAP ஆதாரக் களஞ்சியத்தில், இதுவரை 530 க்கும் மேற்பட்ட நிறுவனங்களிலிருந்து பெறப்பட்ட 101,000 க்கும் மேற்பட்ட மனித உரிமை மீறல் ஆதார தரவுகள் உள்ளன. இதில் 300 க்கும் மேற்பட்ட சாட்சிகள் மற்றும் 230 அமைப்புகளின் பங்களிப்புகள் அடங்கும்.

இந்த ஆதாரங்கள் தமிழ் இனப்படுகொலையை மட்டுமல்ல, ஜனதா விமுக்தி பெரமுனா (JVP) படுகொலைகள், எண்ணற்ற பத்திரிகையாளர்கள் மற்றும் ஆர்வலர்கள் காணாமல் போனது, அத்துடன் தெற்கு அரசியலில் சுழலும் சமீபத்திய பட்டலந்த சித்திரவதை மற்றும் காணாமல் போன சர்ச்சைகளையும் உள்ளடக்கியது.

கடந்த பல தசாப்தங்களாக முழு நாட்டையும் பாதித்துள்ள கொடூரமான மனித உரிமை மீறல்களுக்கு உண்மையான பொறுப்புக்கூறலுக்குத் தேவையான அனைத்து ஆதாரங்களும் இப்போது கிடைக்கின்றன.

தற்போதைய தேசிய மக்கள் சக்தி (NPP/JVP) அரசாங்கத்திடம் உண்மை, பொறுப்புக்கூறல், நீதி மற்றும் இழப்பீடுகளுக்கான OSLAP இன் அனைத்து புறநிலை மற்றும் பாரபட்சமற்ற ஆதாரங்களையும் கொண்டுள்ளது. அதை இதுவரை வெளிப்படுத்த முயலவில்லை.

பிராந்திய முக்கியத்துவம் வாய்ந்த துறைமுக நகரமான திருகோணமலையில் பொருளாதார மற்றும் வேலைவாய்ப்பு திட்டங்களைத் தொடங்க இந்தியாவை நாங்கள் வலியுறுத்துகிறோம்.

இதில் உள்ளூர் தமிழ் மக்களுக்கு பயனளிக்கும் முயற்சிகளுக்கு முன்னுரிமை அளிப்பது வரலாற்று ரீதியாக ஒதுக்கப்பட்ட சமூகத்தை மேம்படுத்துவதோடு மட்டுமல்லாமல், பிராந்தியத்தில் இந்தியாவின் மூலோபாய மற்றும் பொருளாதார நலன்களையும் வலுப்படுத்தும் என நாம் நம்புகிறோம்.

மேலும், இந்திய திருகோணமலை மாவட்ட திட்டங்களில் பணிபுரிய திருகோணமலை மாவட்டத்தில் உள்ள தமிழ்நாட்டு முகாம்களில் உள்ள அகதிகளை மீண்டும் குடியமர்த்துவது இந்தியாவிற்கு பல வழிகளில் மூலோபாய ரீதியாக நன்மை பயக்கும்.

இது ஒரே அடியில் பல இலக்குகளை அடையும். வளர்ச்சி மற்றும் ஸ்திரத்தன்மையை வளர்ப்பதன் மூலம், இந்தியா தனது நீண்டகால பிராந்திய இலக்குகளுடன் இணைந்த நம்பகமான மற்றும் திறமையான பணியாளர்களை உருவாக்க முடியும்.

தமிழ் மக்களுக்கும் இலங்கையின் அனைத்து மக்களுக்கும் அவர்கள் விரும்பும் அனைத்திற்கும் மேலாக உண்மை, பொறுப்புக்கூறல், நீதி மற்றும் இழப்பீடுகள் ஆகியவற்றிற்காக இந்தியாவின் உறுதிப்பாட்டை மேன்மைதங்கிய பிரதமர் செயல்படுத்துவார் என்பது எங்கள் தீவிர நம்பிக்கையாகும் என்று அவுஸ்திரேலிய தமிழ் காங்கிரஸும், அமெரிக்க தமிழ் செயல் அமைப்பும் தெரிவித்துள்ளனர்.