தமிழ் மக்களின் அரசியல் உரிமைகள்; இந்தியாவின் நிலைப்பாட்டுக்கு புலம்பெயர் தமிழர்கள் எதிர்ப்பு

பாஜக (BJP) கடந்த தேர்தலில் தமிழ் இனப்படுகொலையை ஒப்புக்கொண்டது. ஆனால் இப்போது அதற்கு காரணமானவர்களை ஆதரிக்க வலியுறுத்துவதாக அமெரிக்கா வாழும் புலம்பெயர் தமிழர்கள் குற்றம் சுமத்தியுள்ளனர்.

”ஒரு தமிழ் வேட்பாளருக்கு வாக்களிப்பது வீணாகாது. தமிழ்நாட்டில் உள்ள தமிழர்கள் பாஜகவுக்கு பதிலாக தங்கள் சொந்த ஆதரவைத் தேர்ந்தெடுத்தது போல் சிறுபான்மையினர் தங்கள் சொந்த வேட்பாளர்களுக்கு வாக்களிக்கும்போது, ​​அவர்களின் நலன்கள் நன்கு பிரதிநிதித்துவப்படுத்தப்படுவதையும் பாதுகாக்கப்படுவதையும் உறுதி செய்வதற்கான ஒரு சக்தி வாய்ந்த சந்தர்ப்பம் உருவாகும்.

தமிழ் மக்கள் நீதி, சமத்துவம் மற்றும் சுயாட்சி வழங்குவதில் மீண்டும் மீண்டும் தோல்வியடைந்து வரும் பேச்சுவார்த்தைகளின் நீண்ட வரலாற்றை எதிர்கொண்டுள்ளனர்.

75 ஆண்டுகளுக்கும் மேலாக எங்கள் விவாதங்கள் உடைந்த வாக்குறுதிகள் மற்றும் நிறைவேறாத நம்பிக்கைகளில் விளைந்துள்ளன.

அண்மையில் இந்தியாவின் தேசிய பாதுகாப்பு ஆலோசகர் அஜித் தோவல் மற்றும் வெளிவிவகார அமைச்சர் எஸ்.ஜெய்சங்கர் ஆகியோரின் கருத்துகள் நம்பமுடியாத அளவிற்கு ஏமாற்றத்தை அளித்துள்ளன. தமிழ் மக்கள் தமது அடிப்படை உரிமைகளுக்காக நடத்தும் போராட்டத்திற்கு அவர்கள் கருத்துகள் மதிப்பின்மையை காட்டுகின்றன.

தமிழ் வாக்குகள் “வீணடிக்கப்பட கூடாதென தோவல் கூறியுள்ள கருத்துக்கள் தமிழ் மக்களின் உண்மையான ஜனநாயக நம்பிக்கையை நிராகரிப்பதாக உள்ளது.

இக்கட்டான காலங்களிலும் தமிழ்ர்கள் தொடர்ந்து வலிமையையும் உறுதியையும் வெளிப்படுத்தியுள்ளனர். தமிழர்களின் ஜனநாயக உரிமைகளை எப்படிப் பயன்படுத்த வேண்டும் என்பதை வெளியில் இருந்து சொல்ல முடியாது.

ஜெய்சங்கர் சர்வதேச கடல் எல்லைகள் மற்றும் இலங்கையில் சீனாவின் செல்வாக்கு ஆகியவற்றில் கவனம் செலுத்துகிறார். இது இந்தியாவின் மூலோபாய முன்னுரிமைகளை காட்டுகிறது.

எனினும், தமிழ் மக்கள் எதிர்கொள்ளும் உண்மையான பிரச்சினைகளை இந்தியா புறக்கணிக்கிறது. இந்த புவிசார் அரசியல் பிரச்சினைகள் பல ஆண்டுகளாக ஒடுக்குமுறையை எதிர்கொண்ட ஒரு இனத்தின் உண்மையான துன்பங்களுக்கு மேலாக வைக்கப்படுகின்றன என்பதையே இவர்களின் கருத்துகள் வெளிகாட்டுகின்றன.

பிராந்திய சக்திகளின் மூலோபாய இலக்குகளால் தமிழர் போராட்டம் இருட்டடிக்கப்பட வேண்டும் என்ற கருத்தை தமிழர்கள் உறுதியாக நிராகரிக்கின்றனர்.” என்றும் அமெரிக்காவால் புலம்பெயர் தமிழ் மக்கள் தெரிவித்துள்ளனர்.