அமெரிக்க பயணிக்கவுள்ள முதலமைச்சர் ஸ்டாலின்: பல்வேறு ஒப்பந்தங்களில் கையெழுத்திடவுள்ளதாக தகவல்

தமிழக முதலமைச்சர் மு.க.ஸ்டாலின் எதிர்வரும் ஒகஸ்ட் 27ஆம் திகதி அமெரிக்கா செல்லவுள்ளார்.

தொழில் முதலீடுகள் தொடர்பில் இந்த பயணம் மேற்கொள்ளப்படவுள்ளதாக தொழில்துறை அமைச்சர் டி.ஆர்.பி.ராஜா தெரிவித்துள்ளார்.

இப் பயணத்தின்போது அமெரிக்காவின் முக்கிய நிறுவனங்களின் தொழிலதிபர்களை சந்தித்து பல்வேறு ஒப்பந்தங்களில் கையெழுத்திடவுள்ளதாகவும் அமைச்சர் தெரிவித்துள்ளார்.

எத்தனை நாள் பயணம் என்பது குறித்த தகவல்கள் விரைவில் அறிவிக்கப்படும் என எதிர்பார்க்கப்படுகிறது.