குறுக்குவில்லை பயன்படுத்தி பிபிசி ஊடகவியலாளரின் மனைவி, பிள்ளைகள் கொலை!

பிபிசியின் ஊடகவியலாளர் ( வர்ணணையாளர் ) ஒருவரின் மனைவியும் இரண்டு மகள்களும்  குறுக்குவில்லை பயன்படுத்தி  கொல்லப்பட்ட சம்பவம் பிரிட்டனில் பெரும் அதிர்ச்சியை ஏற்படுத்தியுள்ளது.

ஹேர்ட்போர்சையரில் உள்ள புசே என்ற பகுதியில் அவர்களது வீட்டிற்கு அருகில் இந்த சம்பவம் இடம்பெற்றுள்ளது.

பிபிசியின் ஊடகவியலாளர்ஜோன் ஹன்ட்  தனது வீட்டிற்கு சென்றவேளை தனது மனைவியும் இரண்டு பிள்ளைகளும் தாக்குதலில் காயமடைந்த நிலையில் உயிருக்காக போராடிக்கொண்டிருந்ததை அவதானித்துள்ளார்.

அவர்கள் காயங்கள் காரணமாக உயிரிழந்துள்ளனர்.

அவர்கள் குறுக்குவில் தாக்குதலினால் கொல்லப்பட்டிருக்கலாம் என பொலிஸார் தெரிவித்துள்ளனர்.

கொலை இடம்பெற்ற பகுதிக்கு அருகில் நபர் ஒருவர் பாரியபொருள் ஒன்றுடன் நடமாடும் சிசிடிவி காட்சிகள் வெளியாகியுள்ளன.

பலமணிநேர தேடுதல் நடவடிக்கையின் பின்னர்26 வயது நபரை கைதுசெய்துள்ளதாக தெரிவித்துள்ள

குறுக்குவில்லை பயன்படுத்தியே தாக்குதல் இடம்பெற்றிருக்கலாம் என  தெரிவித்துள்ள காவல்துறையினர் ஏனைய ஆயுதங்களையும் சந்தேகநபர் பயன்படுத்தியிருப்பதற்கு வாய்ப்புள்ளது என குறிப்பிட்டுள்ளனர்.

லண்டனிற்கு வடக்கே உள்ள  என்பீல்ட் பகுதியில் குறுக்குவில்லுடன்  ஒருவர் கைதுசெய்யப்பட்டுள்ளார்,அவர் காயங்களிற்காக சிகிச்சை பெறுகின்றார்  கொல்லப்பட்டவர்களை அவருக்கு நன்கு தெரியும் என பொலிஸார் தெரிவித்துள்ளனர்.

கைதுசெய்யப்பட்டுள்ள நபர் பிரிட்டிஸ் இராணுவத்தில் சிலகாலம் பணியாற்றியவர் என்ற விபரம் வெளியாகியுள்ளது.2019  இவர் இராணுவத்தில் பணியாற்றியவர்.

இந்த கொலைகள் பிரிட்டனில் பெரும் அதிர்ச்சியை ஏற்படுத்தியுள்ளன.