முச்சந்தி

யாழ்ப்பாணத்தில் நீதிமன்ற வழக்குக்குச் சென்றவர் வாள் வெட்டில் பலத்த காயம்; 3 விரல்கள் துண்டிப்பு

யாழ்ப்பாணம் – ஊர்காவற்றுறை வீதியில் மண்கும்பான் ஆலயத்துக்கும் அராலிச் சந்திக்கும் இடையில் நேற்று வியாழக்கிழமை (19) காலை இடம்பெற்ற வாள்வெட்டுச் சம்பவத்தில் தீவக சிவில் அமைப்பின் உப தலைவர் கருணாகரன் குணாளன் பலத்த காயமடைந்த நிலையில் யாழ்ப்பாணம் போதனா வைத்தியசாலையில் அனுமதிக்கப்பட்டுள்ளார்.

ஊர்காவற்றுறை நீதிமன்றில் வழக்கு தவணைக்காக முன்னிலையாவதற்கு யாழ்ப்பாணத்திலிருந்து ஊர்காவற்றுறை நோக்கிச் சென்றுகொண்டிருந்தபோதே அவர் மீது இனந்தெரியாத மூன்று பேர் கொண்ட கும்பல் தாக்குதல் நடத்தியுள்ளது.

புங்குடுதீவில் இடம்பெற்ற சட்டவிரோத மாடுகடத்தல் சம்பவம் மற்றும் படுகொலை செய்யப்பட்ட பேருந்து உரிமையாளர் அகிலன் கொலை தொடர்பில் கொலையாளிகளை அடையாளம் காட்டியமை சார்ந்த வழக்கு ஊர்காவற்றுறை நீதிமன்றில் விசாரணைக்கு எடுத்துக்கொள்ளப்படவிருந்தது.

இவ்வழக்கில் முன்னிலையாவதற்காக குணாளன் ஊர்காவற்றுறை நோக்கிச் சென்றுகொண்டிருந்தபோது, மூவர் கொண்ட கும்பல் அவரை வழிமறித்து வாள்வெட்டுத் தாக்குதலை மேற்கொண்டுள்ளது.

இதன்போது அவரது கையில் பலத்த காயம் ஏற்பட்டதுடன், மூன்று விரல்கள் துண்டிக்கப்பட்ட நிலையில் அவர் யாழ்ப்பாணம் போதனா வைத்தியசாலையில் அனுமதிக்கப்பட்டுள்ளார்.

சம்பவம் தொடர்பில் ஊர்காவற்றுறை பொலிஸார் விசாரணைகளை முன்னெடுத்து வருவதுடன் யாழ்ப்பாண தடயவியல் பொலிசாரும் தடயங்களை பதிவு செய்தனர்.

Loading

Leave a Reply

Your email address will not be published. Required fields are marked *