உலகம்

ஈரானில் அணுமின் நிலையங்களுக்கு அருகில் உள்ள மக்களுக்கு அயோடின் மாத்திரைகள் விநியோகம்

அமெரிக்காவினால் ஈரானின் அங்கீகரிக்கப்பட்ட அணுசக்தி மற்றும் அணு உலை மையங்கள் மீது நடத்தப்படலாம் என எதிர்பார்க்கப்படும் தாக்குதல்களுக்கு எதிரான பாதுகாப்பு நடவடிக்கையாக, அணுசக்தி மையங்களுக்கு அருகில் வாழும் மக்களுக்கு அயோடின் மாத்திரைகளை விநியோகிக்கும் பணியை ஈரான் அதிகாரிகள் ஆரம்பித்துள்ளனர்.

கதிர்வீச்சு அவசர நிலையை எதிர்கொள்வதற்கும், கதிர்வீச்சு அபாயத்திலிருந்து தைராய்டு சுரப்பியைப் பாதுகாப்பதற்கும் முன்னெச்சரிக்கை நடவடிக்கையாக இந்த அயோடின் மாத்திரைகள் வழங்கப்பட்டுள்ளதாக வெளிநாட்டு ஊடகங்கள் செய்தி வெளியிட்டுள்ளன.

குறிப்பாக புஷெர் (Bushehr) நகரம் உட்பட அணுமின் நிலையங்கள் அமைந்துள்ள பகுதிகளில் வாழும் மக்களை இலக்காகக் கொண்டு இந்த விநியோகத் திட்டம் செயல்படுத்தப்பட்டு வருவதாகத் தெரிவிக்கப்படுகிறது.

அமெரிக்க நிர்வாகம் மற்றும் ஜனாதிபதி டொனால்ட் ட்ரம்ப் ஆகியோரிடமிருந்து வரக்கூடிய இராணுவ அச்சுறுத்தல்கள் குறிப்பில் தீவிர அவதானத்துடன் இருப்பதாக ஈரானிய சுகாதார அமைச்சக அதிகாரிகள் உறுதிப்படுத்தியுள்ளனர்.

பிராந்தியத்தில் ஏற்பட்டுள்ள இந்த போர் பதற்றம் காரணமாக மத்திய கிழக்கில் மேலும் கடுமையான பதற்றமான சூழ்நிலை உருவாகியுள்ளதாக வெளிநாட்டு ஊடகங்கள் மேலும் தெரிவிக்கின்றன.

Loading

Leave a Reply

Your email address will not be published. Required fields are marked *