IAS பதவியைத் துறந்து அரசியலில் களம் கண்ட திவ்யா மிட்டல்: 403 தொகுதிகளிலும் போட்டி
உத்தரப் பிரதேசத்தைச் சேர்ந்த முன்னாள் ஐஏஎஸ் அதிகாரியான திவ்யா மிட்டல், கடந்த ஆகஸ்ட் மாதம் தனது பதவியை ராஜினாமா செய்ததைத் தொடர்ந்து, ‘ஜன் நீதி பாரத்’ என்ற புதிய அரசியல் கட்சியைத் தொடங்கினார்.
உத்தரப் பிரதேசத்தைச் சேர்ந்த முன்னாள் ஐஏஎஸ் அதிகாரியான திவ்யா மிட்டல், கடந்த ஆகஸ்ட் மாதம் தனது பதவியை ராஜினாமா செய்ததைத் தொடர்ந்து, ‘ஜன் நீதி பாரத்’ என்ற புதிய அரசியல் கட்சியைத் தொடங்கினார்.
இந்நிலையில், மிர்சாபூரில் நேற்று பொதுமக்கள் மத்தியில் உரையாற்றிய அவர், 2027ஆம் ஆண்டு நடைபெறவுள்ள உத்தரப் பிரதேச சட்டப்பேரவைத் தேர்தலில் மாநிலத்தின் 403 தொகுதிகளிலும் தனது கட்சி தனித்துப் போட்டியிடும் என அறிவித்தார். இதற்குப் பொதுமக்களின் ஆதரவையும் அவர் கோரினார்.
தற்போதைய அரசியல் அமைப்பில், சட்டப்பேரவை உறுப்பினர்கள் பலரும் அரசுக்கும் பொதுமக்களுக்கும் இடையிலான இடைத்தரகர்களாகச் செயல்படுவதாகக் குறிப்பிட்ட திவ்யா மிட்டல், இதற்கு மாற்றாகத் தனது கட்சியின் பிரதிநிதிகள் நேரடியாகக் குடிமக்களுக்குப் பொறுப்புடையவர்களாக இருப்பார்கள் என்றார்.
மேலும், அரசியல் கட்சிகள் ஒன்றுக்கொன்று போட்டியிடுவது போல் தோன்றினாலும், முடிவெடுக்கும் அதிகாரத்தைச் சாதாரண மக்களிடமிருந்து விலக்கி வைப்பதில் அவை ஒன்றுபட்டிருப்பதாகவும் அவர் விமர்சித்தார்.
