கவிதைகள்
“நாளுமே நாகரிகம் நமைவிழுங்கி வருகிறதே ” …. கவிதை …. மகாதேவ ஐயர் ஜெயராமசர்மா.
நாகரிக மோகத்தில்
நல்லதெல்லாம் மறக்கின்றோம்
நம்மையே தொலைக்கின்றோம்
நாமெண்ண நினைப்பதில்லை
வசந்தங்கள் மடிவதை
மனமிருத்த மறுக்கின்றோம்
மாநிலத்து வாழ்க்கை
வரண்டுமே போகிறதே !
உணவில் தடுமாற்றம்
உடையில் பெருமாற்றம்
உறங்கி எழுவதிலும்
ஒழுங்குகளை குலைக்கின்றோம்
அழுவதிலும் பலமாற்றம்
அணைப்பதிலும் பலமாற்றம்
அனைத்தையும் நாகரிகம்
அரசாட்சி செய்கிறதே !
பண்பாடு கலாசாரம்
பதுங்கியே நிற்கிறது
பணமென்னும் பேரரக்கன்
தலைவிரித்து ஆடுகிறான்
மூத்தோர்கள் அனைவருமே
முடங்கியே கிடக்கின்றார்
முகிழ்ந்தெழுந்த நாகரிகம்
கோலோச்சி நிற்கிறது !
ஆன்மீகப் பாதை
அடைப்பட்டுக் கிடக்கிறது
அறமென்னும் அரசன்
அடங்கியே கிடக்கின்றான்
நாகரிகத் தலைமை
கோலோச்சி எழுகிறது
நாளுமே நாகரிகம்
நமைவிழுங்கி வருகிறதே !
மகாதேவ ஐயர் ஜெயராமசர்மா
மேனாள் தமிழ் மொழிக் கல்வி இயக்குநர்
மெல்பேண் ….. அவுஸ்திரேலியா
பண்பாட்டை விழுங்கிவிட்டு நாகரிகம் ஆனந்த கூத்தாடிக் களிக்கிறது. உணவில், உடையில், உறக்கத்தில், ஒழுக்கத்தில் நாகரிகம் எனும் பெயரில் நலமில்லா மாற்றங்கள். பண்பாட்டைப் பற்றிக் கொண்டால் பாரில் பெருமை வரும்.
உணவில், உடையில், உறக்கத்தில், ஒழுக்கத்தில் நாகரிகம் எனும் பெயரில் நலமில்லா மாற்றங்கள். பண்பாட்டை விழுங்கிவிட்டு நாகரிகம் ஆனந்த கூத்தாடிக் களிக்கிறது.
பண்பாட்டைப் பற்றிக் கொண்டால் பாரில் பெருமை வரும்.
உணவில், உடையில், உறக்கத்தில், ஒழுக்கத்தில் நாகரிகம் எனும் பெயரில் நலமில்லா மாற்றங்கள். பண்பாட்டை விழுங்கிவிட்டு நாகரிகம் ஆனந்த கூத்தாடிக் களிக்கிறது.
பண்பாட்டை விழுங்கிவிட்டு நாகரிகம் ஆனந்த கூத்தாடிக் களிக்கிறது.
உணவில், உடையில், உறக்கத்தில், ஒழுக்கத்தில் நாகரிகம் எனும் பெயரில் நலமில்லா மாற்றங்கள்.
பண்பாட்டைப் பற்றிக் கொண்டால் பாரில் பெருமை வரும்.