செங்கடலில் சவூதியின் மாஸ்டர் பிளான்

பாப் அல்-மண்டேப் ஜலசந்தி, செங்கடல் மற்றும் ஏடன் வளைகுடா வழியாகச் செல்லும் சர்வதேச கப்பல் போக்குவரத்தைப் பாதுகாக்க, சவூதி அரேபியா தலைமையில் பல்நாட்டு கடல்சார் பாதுகாப்புக் கூட்டணி அதிகாரப்பூர்வமாக தொடங்கப்பட்டுள்ளது.

சவூதி அரேபியாவுடன் மேலும் 13 நாடுகள் இந்த முயற்சியில் இணைந்துள்ளன.

முதற்கட்டமாக சவூதி அரேபியா, பஹ்ரைன், பங்களாதேஷ், கொமொரோஸ், ஜிபூட்டி, எகிப்து, ஜோர்டான், குவைத், பாகிஸ்தான், கத்தார், சோமாலியா, சூடான், துருக்கி மற்றும் யேமன் ஆகிய நாடுகள் கூட்டணியில் இடம்பெற்றுள்ளன.

மேலும் நாடுகள் பின்னர் இணையலாம் என எதிர்பார்க்கப்படுகிறது.

செங்கடல் மற்றும் பாப் அல்-மண்டேப் வழித்தடத்தில் ஹூதி தாக்குதல்கள் மற்றும் கப்பல் போக்குவரத்துக்கான அச்சுறுத்தல்கள் அதிகரித்துள்ளன. இதனால் கப்பல் நிறுவனங்கள் மாற்றுப் பாதைகளைப் பயன்படுத்த வேண்டிய நிலை உருவாகி, உலக வர்த்தகம் மற்றும் எரிசக்தி விநியோகத்தில் பாதிப்புகள் ஏற்படும் அபாயம் அதிகரித்துள்ளது.

குறிப்பாக பாப் அல்-மண்டேப் என்பது செங்கடலை ஏடன் வளைகுடாவுடன் இணைக்கும் மிக முக்கியமான கடல்வழி. அதன் குறுகிய அமைப்பு காரணமாக, இந்தப் பாதையில் ஏற்படும் பாதுகாப்பு சிக்கல் சூயஸ் கால்வாய் வழியாகச் செல்லும் ஆசியா–ஐரோப்பா வர்த்தகத்தையும் பாதிக்கக்கூடியது.