‘Game of Thrones’ தொடரின் டிராகன் முட்டைகள் ஏலம்
உலகப் புகழ்பெற்ற ‘கேம் ஆஃப் த்ரோன்ஸ்’ ‘Game of Thrones’ தொடரின் முதல் சீசனில், டேனரிஸ் டார்கேரியனுக்குப் பரிசாக வழங்கப்பட்ட மூன்று உண்மையான டிராகன் முட்டைகளும், அவற்றுக்கான மரப்பெட்டியும் முதல் முறையாக ஏலம் விடப்பட உள்ளன.
இந்த முதல் முட்டைகள், ஹெரிடேஜ் ஆக்ஷன்ஸ் நிறுவனத்தால் ஜூலை 15 ஆம் திகதி ஏலம் விடப்பட உள்ளன.
ஏற்கனவே இதற்கு $21,000 ஏலத்தொகை கிடைத்துள்ளதாகவும், இதைவிட அதிக விலைக்கு விற்கப்படும் எனவும் எதிர்பார்க்கப்படுவதாகவும் கூறப்படுகிறது.
முன்னதாக, 2024 ஆம் ஆண்டில், டேனரிஸ் டார்கேரியனின் உடை, அயர்ன் த்ரோனின் மாதிரி, ஜான் ஸ்னோவின் வாள் போன்றவை உட்பட ‘கேம் ஆஃப் த்ரோன்ஸ்’ தொடரின் பல பொருட்கள் இதே முறையில் ஏலம் விடப்பட்டன.
இதற்கிடையில், இந்த முட்டைகள் தொடரில் பயன்படுத்தப்பட்ட உண்மையான முட்டைகள் எனச் சான்றளிக்கப்படும் என HBO (ஹோம் பாக்ஸ் ஆபிஸ்) உறுதிப்படுத்தியுள்ளதாக அறிக்கைகள் தெரிவிக்கின்றன.
