உலகின் அதிவேக சூப்பர் கணினிப் பட்டியலில் அமெரிக்காவை முந்தியது சீனா

உலகின் மிக அதிவேக சூப்பர் கணினிகளுக்கான சர்வதேசத் தரவரிசையில், அமெரிக்காவை பின்னுக்குத் தள்ளி சீனா முதலிடத்தைப் பிடித்துள்ளது.

ஜெர்மனியின் ஹாம்பர்க் நகரில் வெளியிடப்பட்ட அரையாண்டு TOP 500 பட்டியலில், சீனாவின் ‘லைன்ஷைன்’ கணினி உலகின் மிக சக்திவாய்ந்த அமைப்பாக அறிவிக்கப்பட்டுள்ளது.

இதன் மூலம், அதிநவீன தொழில்நுட்பத் துறையில் உலகப் வல்லரசான அமெரிக்காவிற்கு சீனா கடுமையான போட்டியை அளித்து வருவது மீண்டும் உறுதியாகியுள்ளது.

ஏற்றுமதி கட்டுப்பாடுகளுக்கு மத்தியிலும்
2017 ஆம் ஆண்டுக்குப் பிறகு சீன சூப்பர் கணினி ஒன்று இப்பட்டியலில் முதலிடத்தைப் பிடிப்பது இதுவே முதல்முறையாகும்.

சீனாவின் ஷென்சென் நகரில் உள்ள தேசிய சூப்பர் கம்ப்யூட்டிங் மையத்தில் நிறுவப்பட்டுள்ள ‘லைன்ஷைன்’, வினாடிக்கு 2 குவின்டில்லியன் கணக்கீடுகளைச் செய்யும் திறன் கொண்டது.

இது அமெரிக்காவின் கலிபோர்னியாவில் உள்ள ‘எல் கேபிடன்’ சூப்பர் கணினியை விட 20 சதவீதம் கூடுதல் வேகமுடையதாகும்.

அமெரிக்கா விதித்துள்ள கடுமையான சிப் ஏற்றுமதி கட்டுப்பாடுகளுக்கு மத்தியிலும், சீனா தனது சொந்த உள்நாட்டுத் தொழில்நுட்ப முதலீடுகள் மூலம் இந்த சாதனையைப் படைத்துள்ளது என வல்லுநர்கள் தெரிவித்துள்ளனர். அமெரிக்கசந்தை

இப்பட்டியலில் அமெரிக்காவின் எல் கேபிடன் மற்றும் ஃபிரண்டியர் முறையே இரண்டு மற்றும் மூன்றாம் இடங்களைப் பிடித்துள்ளன.