3 கோடி கொசுக்களை விடுவிக்க Google திட்டம்., அதுவும் பாக்டீரியாவால் பாதிக்கப்பட்டவை!

Google-ன் தாய் நிறுவனமான Alphabet, அமெரிக்காவின் புளோரிடா மற்றும் கலிஃபோர்னியா மாநிலங்களில் 32 மில்லியன் கொசுக்களை விடுவிக்க திட்டமிட்டுள்ளது.

இந்த கொசுக்கள், இயற்கையாகவே காணப்படும் Wolbachia என்ற பாக்டீரியாவால் பாதிக்கப்பட்டவை.

இந்த திட்டம், Alphabet-ன் உயிரியல் அறிவியல் பிரிவு Verily 2016-இல் தொடங்கிய “Debug” முயற்சியின் ஒரு பகுதியாகும்.

அமெரிக்க சுற்றுச்சூழல் பாதுகாப்பு முகமை (EPA) தற்போது இந்த திட்டத்துக்கு அனுமதி வழங்கும் முன் ஆய்வு செய்து வருகிறது.

இந்த கொசுக்கள் அனைத்தும் ஆண் கொசுக்கள். ஆண் கொசுக்கள் மனிதர்களை கடிக்காது. Wolbachia பாக்டீரியாவால் பாதிக்கப்பட்ட ஆண் கொசுக்கள், இயற்கையான பெண் கொசுக்களுடன் இணையும் போது, அவற்றின் முட்டைகள் வளராமல் அழிகின்றன.

இதனால், கொசுக்களின் எண்ணிக்கை படிப்படியாக குறையும். இந்த முயற்சி, West Nile Virus மற்றும் St. Louis Encephalitis போன்ற கொசு வழி நோய்களை கட்டுப்படுத்தும் நோக்கத்துடன் மேற்கொள்ளப்படுகிறது.

அமெரிக்காவில் West Nile Virus மிகவும் பொதுவான கொசு நோயாக உள்ளது.

முன்னதாக, புளோரிடா கீஸ் பகுதியில் சிறிய அளவில் Wolbachia கொசுக்கள் விடுவிக்கப்பட்டு, கொசுக்களின் எண்ணிக்கை குறைந்தது உறுதி செய்யப்பட்டது.

இப்போது, AI மற்றும் ரோபோடிக்ஸ் உதவியுடன், மில்லியன் கணக்கான கொசுக்களை வெளியிடும் பெரிய அளவிலான முயற்சி மேற்கொள்ளப்படுகிறது.

இந்த திட்டம் இரண்டு ஆண்டுகளில் நடைபெறும். முதல் ஆண்டில் 16 மில்லியன் கொசுக்கள், அடுத்த ஆண்டில் மேலும் 16 மில்லியன் கொசுக்கள் விடுவிக்கப்படும்.