வாய்ப்புண்கள் வர காரணம் என்ன?; இதற்கான வீட்டு வைத்தியங்கள் என்ன?

வாய்ப் புண்கள் சிறிதாக இருந்தாலும் மிகுந்த வலியை உண்டாக்கும். இதை வீட்டு வைத்தியங்கள் மூலம் சரிசெய்ய முடியும்.

வாய்ப்புண்

வாய்ப் புண்கள் சிறியதாகத் இருந்தாலும் அவை மிகவும் வேதனையாக இருக்கும். இது சாப்பிடுவதையும், குடிப்பதையும், பேசுவதையும் கூடக் சிரமமாக்கும்.

இநத புண்கள் கன்னங்களின் உட்புறத்திலோ, நாக்கிலோ, அல்லது ஈறுகளின் கீழ்ப்பகுதியிலோ தோன்றும். இது மருந்துகள் மூலம் சரிசெய்யலாம் என்றாலும் இதை எளிய முறையில் வீட்டு வைத்தியங்கயள் மூலமும் சரிசெய்யலாம்.

ஒருவருக்கு மீண்டும் மீண்டும் வரும் வாய்ப் புண்கள் வந்தால் அவற்றைத் தடுப்பது மிகவும் அவசியம். இதற்கான வீட்டு வைத்தியங்களையும் காரணங்களையும் பார்க்கலாம்.

வாய்ப்புண்ணுக்கான காரணம்

வயிற்றுக் கோளாறு: மலச்சிக்கல் அல்லது வாயுத் தொல்லை ஏற்படும்போது, ​​உடல் சூடு வாயில் புண்களாக உண்டாக்கும்.

ஊட்டச்சத்துக் குறைபாடுகள்: உடலில் வைட்டமின் பி12, இரும்புச்சத்து மற்றும் ஃபோலிக் அமிலம் ஆகியவற்றின் குறைபாடு, வயிற்றுப் புண்களுக்கு ஒரு முக்கிய காரணமாகும்.

உடல்ரீதியான காயம்:  கடினமான பல் துலக்கும் தூரிகையைப் பயன்படுத்துவது அல்லது கூர்மையான பற்களில் தேய்ப்பது போன்றவற்றால் கொப்புளங்கள் ஏற்படலாம்.

 மன அழுத்தம்: அதிகப்படியான மன அழுத்தம் மற்றும் தூக்கமின்மை ஆகியவை உடலின் நோய் எதிர்ப்பு அமைப்பைப் பாதித்து, கொப்புளங்களை ஏற்படுத்துகின்றன.

உணவு மற்றும் பானங்கள்: அதிகப்படியான காரமான, பொரித்த அல்லது அமிலத்தன்மை கொண்ட உணவுகளை உண்பதும் வாய்ப் புண்களை ஏற்படுத்துகிறது.

வீட்டு வைத்தியங்கள்

• தேனில் பாக்டீரியா எதிர்ப்பு மற்றும் அழற்சி எதிர்ப்புப் பண்புகள் உள்ளன. இது கொப்புளங்களுக்கு ஈரப்பதம் அளித்து, அவை விரைவாகக் குணமடைய உதவுகிறது. இதைச் செய்ய, ஒரு சிட்டிகை மஞ்சளைத் தேனுடன் கலந்து, அதை நேரடியாகக் கொப்புளங்களின் மீது தடவவும். சிறிது நேரம் அப்படியே விட்டுவிடவும். பின்னர் அதை வாயை கொப்பிளித்து கழுவினால் நன்மை தரும்.

தேங்காய் எண்ணெய்

• தேங்காய் எண்ணெயில் அழற்சி எதிர்ப்புப் பண்புகள் உள்ளன. இது கொப்புளங்களின் வலியையும் வீக்கத்தையும் குறைப்பதில் மிகவும் பயனுள்ளதாக இருக்கிறது. எனவே ஒரு நாளைக்கு 3-4 முறை கொப்புளங்களின் மீது சிறிதளவு தேங்காய் எண்ணெயைத் தடவவும்.

துளசி

• துளசி இலைககளில் மருத்துவ குணங்கள் அதிகம் உள்ளன. அவற்றுக்கு நுண்ணுயிர் எதிர்ப்புப் பண்புகள் உள்ளன. எனவே துளசி இலைகளை மெல்லுவது வாய்ப்புண்களில் இருந்து நிவாரணம் அளிக்கும். வாய்ப்புண்களுக்குச் சிகிச்சை அளிக்க இது மிகவும் பயனுள்ள வழியாக இருக்கும்.