ஒரு லட்சம் குவாட்ரில்லியன் மதிப்புள்ள விண்கல்லை குறிவைக்கும் நாசா

தங்கம், பிளாட்டினம் போன்ற உலோகங்கள் உள்ள விண்கல்லை நாசா குறி வைத்துள்ளது.

16 சைக் விண்கல்

செவ்வாய் மற்றும் வியாழன் கிரகத்திற்கு இடையே கடந்த 1852 ஆம் ஆண்டு 16 Psyche என்ற விண்கல் கண்டறியப்பட்டது.

64,000 சதுர மைல் பரப்பளவுடன் ஐஸ்லாந்து நாட்டின் அளவிற்கு உள்ள இந்த விண்கல்லில் அரிதான மற்றும் விலைமதிப்புள்ள தங்கம், பிளாட்டினம் போன்ற உலோகங்கள் உள்ளன.

இந்த விண்கல்லுக்கு அமெரிக்கா விண்வெளி ஆய்வு நிறுவனமான நாசா, கடந்த 2023 ஆம் ஆண்டு விண்கலம் ஒன்றை அனுப்பியது.

2.2 பில்லியன் மைல்க்கு அதிகமான தொலைவில் உள்ள இந்த விண்கலம் தற்போது 2 கோடி கி.மீ பயணித்துள்ளது. 2029 ஆம் ஆண்டு அந்த விண்கல்லை அடையும் என எதிர்பார்க்கப்படுகிறது.

நாசாவின் திட்டம்

நாசா இந்த விண்கல்லை நோக்கி விண்கலத்தை அனுப்ப காரணம், பூமியைப் போன்ற கோள்களின் மையங்கள் பில்லியன் கணக்கான ஆண்டுகளுக்கு முன்பு எவ்வாறு உருவானது, ஆரம்பகால சூரிய மண்டலத்தில் கோள்கள் எவ்வாறு உருவாகின என்பது பற்றிய நமது புரிதலை மேம்படுத்துவதற்காக இந்த பணி வடிவமைக்கப்பட்டுள்ளது” என நாசா தெரிவித்துள்ளது.

இதில் உள்ள அரிய உலோகங்களை வெட்டியெடுத்து பூமிக்கு கொண்டு வர சில தனியார் விண்வெளி நிறுவனங்கள் ஆர்வம் காட்டி வருகின்றன.

சுற்றுச்சூழல் சவால்கள், பூஜ்ஜிய ஈர்ப்பு விசை மற்றும் அதன் தூரம் காரணமாக, அதனை வெட்டி எடுத்து கொண்டு வருவது ஆபத்தான மற்றும் அதிக செலவு பிடிக்கும் முயற்சியாகும்.