புஷ்பா 2 படத்தால் மூளைச்சாவு அடைந்த சிறுவன்
பிரபல தெலுங்கு நடிகர் அல்லு அர்ஜுன் நடித்த ‘புஷ்பா-2’ திரைப்படத்தின் சிறப்பு காட்சி கடந்த 4ஆம் திகதி ஐதராபாத்தில் உள்ள சந்தியா திரையரங்கில் வெளியானது.
‘புஷ்பா’ படத்தைப் பார்க்க கதாநாயகன் அல்லு அர்ஜுன் சந்தியா திரையரங்குக்கு வந்தார். அப்போது எந்த அறிவிப்பும் இல்லாமல் சிறப்பு காட்சிக்கு வந்த அல்லு அர்ஜுனைப் பார்க்க ரசிகர்கள் கூட்டம் திரண்டதால் திரையரங்கில் கூட்ட நெரிசல் ஏற்பட்டது. இந்த கூட்ட நெரிசலில் சிக்கி 24 வயதுடைய ரேவதி என்ற பெண் ஒருவர் இறந்தார். அவரது 8 வயது மகன் உயிருக்கு போராடியபடி சிகிச்சை பெற்று வந்தார்.
இதனிடையே ரேவதி உயிரிழந்த சம்பவம் தொடர்பாக திரையரங்க நிர்வாகிகளை பொலிஸார் கைது செய்தனர். இதேபோல் ரேவதி இறப்புக்கு காரணமான அல்லு அர்ஜூனை பொலிஸார் கடந்த 13ஆம் திகதி கைது செய்தனர். தெலுங்கானா உயர் நீதிமன்றம் அல்லு அர்ஜுனுக்கு இடைக்கால பிணை வழங்கியதால் மறுநாள் காலை விடுதலையானார்.
இந்த நிலையில், கூட்ட நெரிசலில் சிக்கி காயமடைந்த சிறுவன் ஸ்ரீதேஜ் மூளைச்சாவு அடைந்தார். வென்டிலேட்டர் உதவியுடன் சிகிச்சை பெற்று வந்த நிலையில் சிறுவன் ஸ்ரீதேஜ் மூளைச்சாவு அடைந்துள்ளார்.
