இப்படி ஒரு ஜனாதிபதியை இழந்தால் என்ன நடக்கும்?

இலங்கை அரசியலில் பல ஜனாதிபதிகள் வந்து சென்றிருக்கிறார்கள். ஆனால், தற்போதைய ஜனாதிபதி அநுர குமார திசாநாயக்கவின் ஒவ்வொரு நகர்வும், ஒவ்வொரு உரையும், ஏன் ஒவ்வொரு அசைவும் இன்று ஒரு தேசிய விவாதமாக மாறுவது ஏன்?

1️⃣ அதிகாரம் என்பது தாகமல்ல: அது ஒரு பொறுப்பு!
——————————————————————
அநுர அரசியலுக்கு வந்த காலத்திலிருந்தே அவர் கூறிவரும் ஒரு விடயம் : ” அதிகாரம் என்பது தனிப்பட்ட சுகபோகமல்ல, அது மக்களால் வழங்கப்பட்ட ஒரு பாரிய பொறுப்பு. ” 2022 பொருளாதார நெருக்கடியின் போது கூட, பதவியை விட நாட்டின் மீட்பே முக்கியம் என முழங்கியவர் அவர். இன்று ஜனாதிபதி நாற்காலியில் அமர்ந்த பின்னும் அதே ‘ சட்டம் அனைவருக்கும் சமம்’ என்ற கொள்கையில் அவர் உறுதியாக இருப்பது தான் பலரையும் அதிரச் செய்துள்ளது.

2️⃣ உயிருக்கு அச்சுறுத்தல்: அஞ்சாத ஒரு தலைவன்!
————————————————————————–
சமீபத்தில் இலங்கை சட்டத்தரணிகள் சங்கத்துடனான சந்திப்பின்போது ஜனாதிபதி ஒரு அதிரடியான உண்மையை வெளிப்படுத்தினார்.

” எனது உயிருக்கு அச்சுறுத்தல் இருப்பதை நான் அறிவேன்” என்று அவர் குறிப்பிட்ட அந்த வார்த்தைகள் சாதாரணமானவை அல்ல, ஊழல் பேர்வழிகளுக்கும், பாதாள உலகக் குழுக்களுக்கும், சட்டத்தை வளைக்கத் துடிக்கும் அதிகார மையங்களுக்கும் எதிராக அவர் எடுக்கும் துணிச்சலான முடிவுகளே அவருக்கு இந்த அச்சுறுத்தல்களை உருவாக்கியுள்ளன. தனது உயிருக்கு ஆபத்து எனத் தெரிந்தும், மக்களின் நீதிக்காக அவர் பின் வாங்காமல் நிற்பது ஒரு வரலாற்று மாற்றத்தின் அடையாளம்.

அதே சந்திப்பில் அவர் குறிப்பிட்ட இன்னொரு மிக முக்கியமான விடயம் : ” இந்த ஜனாதிபதி பதவியில் நான் இருக்கவும் தயார், இப்போதே இதிலிருந்து விலகிச் செல்லவும் தயார்!

அதிகாரத்தைப் பிடிப்பதற்கும், பிடித்த அதிகாரத்தைத் தக்க வைப்பதற்கும் இ*ரத்த ஆறுகளை ஓடச் செய்த அரசியல் வரலாற்றைக் கொண்ட இந்த நாட்டில் மக்களின் நலனுக்காகப் பதவியைத் துறக்கவும் தயார் என்று ஒரு ஜனாதிபதி கூறுவது வியக்கத்தக்கது. இது அவரது நேர்மையையும் கொள்கைப் பிடிப்பையும் காட்டுகிறது.

✅ உயர்நீதிமன்ற நீதிபதிகளின் ஓய்வு வயது தொடர்பான 22 ஆவது அரசியலமைப்புத் திருத்தம் இன்று பெரும் விவாதத்தைக் கிளப்பியுள்ளது நீதித்துறையின் சுயாதீனம் கேள்விக்குள்ளாக்கப்படுவதாக சட்டத்துறையினர் கவலை தெரிவிக்கும் நிலையில், ஜனாதிபதி அவர்களுடன் நேரடியாகக் கலந்துரையாடி இருப்பது ஆரோக்கியமான ஒரு ஜனநாயகப் பண்பு. இங்கு ஒரு தனி மனிதரின் விருப்பு வெறுப்பை விட அரசியலமைப்பின் எதிர்காலமே முன்னிறுத்தப்படுகிறது.

👉 இத்தகைய ஒரு தலைவரை இலங்கை இழந்தால் அல்லது இந்த மாற்றம் தடுக்கப்பட்டால் என்ன நடக்கும்?

🔴 மீண்டும் ஊழல் சாம்ராஜ்யம் :

பல தசாப்தங்களாக நாட்டை அரித்துத் தின்னும் ஊழல் மற்றும் மோசடிப் பேர்வழிகள் மீண்டும் தலைதூக்குவார்கள். சட்டம் மீண்டும் ஒரு சிலருக்கு மட்டும் அடிபணியும் நிலைக்குத் தள்ளப்படும்.

🔴 பொருளாதாரப் படுகுழி :

இப்போதுதான் மெல்ல மீண்டு வரும் நாட்டின் பொருளாதாரம், முறையான தலைமைத்துவமும் ஊழலற்ற நிர்வாகமும் இல்லாவிட்டால் மீண்டும் அதலபாதாளத்திற்குச் செல்லும்.

🔴 மக்களின் நம்பிக்கை தகர்ந்துவிடும்:

அரசியல்வாதிகள் அனைவரும் ஒன்றே” என்ற விரக்தியில் இருந்த மக்களுக்கு அநுர ஒரு நம்பிக்கையாகத் தெரிந்தார். இந்த முயற்சி தோல்வியடைந்தால், இனி ஒரு நேர்மையான அரசியல் கலாச்சாரம் இலங்கையில் உருவாக இன்னும் பல தசாப்தங்கள் ஆகலாம்.

அதிகாரம் எவ்வளவு பெரியது என்பது முக்கியமல்ல, அந்த அதிகாரத்தின் முன் சட்டம் எவ்வளவு பெரியதாக நிற்கிறது என்பதுதான் ஒரு ஜனநாயகத்தின் வெற்றி.

ஜனாதிபதி அநுர குமார திசாநாயக்க இன்று ஒரு மிகப்பெரிய பரிட்சையை எதிர்கொள்கிறார். அவர் எடுக்கும் முடிவுகள், குறிப்பாக நீதித்துறை மற்றும் ஊழலுக்கு எதிரான அவரது நிலைப்பாடுகள், எதிர்கால இலங்கையின் தலையெழுத்தைத் தீர்மானிக்கும்.

🔥 அவரை ஆதரிப்பவர்கள் ஒருபுறம் விமர்சிப்பவர்கள் மறுபுறம் இருந்தாலும் இலங்கை தற்போது ஒரு முக்கியமான வரலாற்றுத் திருப்பத்தில் நிற்கிறது என்பது மட்டும் உண்மை.

காலத்தின் பதில் என்னவாக இருக்கும் மக்கள் பார்த்துக் கொண்டிருக்கிறார்கள்!