ஆறாம் தலைமுறை போர் விமானத்தை அறிமுகப்படுத்திய சீனா?

சீன அரசாங்கம் தனது அடுத்த தலைமுறை போர் விமானத்தின் முதல் அதிகாரப்பூர்வக் காட்சியை விளம்பரம் ஒன்றில் அறிமுகப்படுத்தியுள்ளது.

இது J-36 ஆறாம் தலைமுறை மறைமுகத் தாக்குதல் விமானம் என்று பரவலாக நம்பப்படுகிறது.

நேற்று வெளியிடப்பட்ட காணொளியொன்றில், இரு விமானிகள் H-6 குண்டுவீச்சு விமானத்தின் புனைப்பெயரான லியு யேவிற்கு எரிபொருள் நிரப்புவது தொடர்பில் பேசிக்கொண்டிருந்தபோது ஜன்னல்களுக்கு வெளியே ஒரு விமானம் பறந்து செல்வது காண்பிக்கப்பட்டது.

இந்த விரைந்து மறையும் காட்சியை, சீனாவின் ஆறாம் தலைமுறை போர் விமானத் திட்டத்தை PLA பகிரங்கமாக ஒப்புக்கொண்ட முதல் நிகழ்வாகப் பாதுகாப்பு ஆய்வாளர்கள் கருதுகின்றனர்.

இது பெய்ஜிங்கின் விரைவான இராணுவ விமானப் போக்குவரத்து முன்னேற்றங்கள் குறித்த ஊகங்களுக்கு வழிவகுத்துள்ளது.