எந்தெந்த உணவுகள் எந்தெந்த உடல் உறுப்புகளை பாதிக்கும் தெரியுமா?

நாம் எடுத்துக் கொள்ளும் உணவுகளால் எந்தெந்த உறுப்புகள் பாதிக்கப்படுகின்றது என்பதை இந்த பதிவில் தெரிந்து கொள்வோம்.

உணவு

உடல் உறுப்புக்களை வலுவாகவும், ஆரோக்கியமாகவும் வைப்பதற்கு நாம் எடுத்துக் கொள்ளும் உணவு மிகவும் அவசியம் ஆகும்.

அவ்வாறு எதையும் உணவாக எடுத்துக் கொள்ளாமல் மிகவும் சத்தான உணவுகளை எடுத்துக் கொள்ள வேண்டும். அதுவே சில உணவுகள் உடல் தொந்தரவுகளையும் ஏற்படுத்துகின்றது.

காரணம் என்னவெனில் நமது ஆசைக்கு ஏற்ப உணவுகளை அதிகமான எண்ணெய், காரம் சேர்த்து சமைத்து சாப்பிடுவது அவை ஆரோக்கியத்திற்கு கேடு விளைவிக்கின்றது.

ஆவியில் வேக வைத்த உணவுகள், பழங்கள், காய்கறிகளை எடுத்துக் கொள்வது ஆரோக்கியம் ஆகும். அதுவே எண்ணெய் பொரித்த கிழங்கு வகைகள், சிக்கன், கடல் வகை உணவுகளில் ருசி அதிகமாக இருந்தாலும் அவை நமது உடம்பிற்கு பலவிதமான நோய்களை கொண்டு வந்துவிடும்.

அவ்வாறு நாம் எடுத்துக் கொள்ளும் உணவுகள் எந்தெந்த உறுப்புக்களைப் பாதிக்கின்றது என்பதை இந்த பதிவில் தெரிந்து கொள்வோம்.

கல்லீரல்

ஆல்கஹால் அதிகமாக எடுத்துக் கொள்ளும் போது முதலில் பாதிக்கப்படும் உறுப்பு என்னவெனில் கல்லீரல் தான். ஆகவே கல்லீரலை பாதுகாப்பாக வைக்க வேண்டும் என்றால் மது அருந்துவதை முற்றிலும் தவிர்க்கவும்.

இதயம்

அதிகமாக எண்ணெய்யில் பொரித்த உணவுகளால் உடம்பில் கெட்ட கொழுப்புகள் அதிகமாகின்றது. இதனால் இதயத்தில் அடைப்பு ஏற்பட்டு உயிருக்கு ஆபத்தான நிலையும் ஏற்படுகின்றது. ஆகவே எண்ணெய்யில் பொரித்த உணவுகளை அதிகமாக எடுத்துக் கொள்வதைத் தவிர்க்கவும்.

மூளை

நம்மில் சிலர் இனிப்பு பண்டங்கள், காபி, டீ இவற்றில் அதிகமான சர்க்கரையை சேர்த்து சாப்பிடுவார்கள். இவ்வாறு சாப்பிடுவதில் நமது உடலில் என்ன பிரச்சனை ஏற்பட்டுவிடும்? என்ற எண்ணம் தான் இருக்கும். அது தவறானது அதிகப்படியான இனிப்பு, சர்க்கரை மூளையை பாதிக்குமாம்.

சிறுநீரகம்

இயற்கையாகவே ஒரு சிலர் உணவில் உப்பை சற்று அதிகமாக போட்டு சாப்பிடுவதை வழக்கமாக வைத்திருப்பார்கள். இவை மிகப்பெரிய தவறாகும். ஏனெனில் அதிகப்படியான உப்பு சாப்பிடுவதால் சிறுநீரகம் பாதிக்கப்படுகின்றது.

தோல்

பெரும்பாலான நபர்கள் சருமத்தை பாதுகாப்பதற்கு பல விதமான கீரீம்களைப் பயன்படுத்துகின்றனர். இவை அழகை மேம்படுத்துவாக இருந்தாலும், நீங்கள் அதிகமாக எடுத்துக் கொள்ளும் பால் மற்றும் பால் பொருட்கள் சருமத்தில் பருக்களை ஏற்படுத்தி உங்களது அழகை கேள்விக்குறியாக்குமாம்.

கணையம்

சிறு குழந்தைகள் முதுல் பெரியவர்கள் வரை அனைவரும் விரும்பி அருந்தும் கார்பனேட்டட் பானம், கூல்ட்ரிங்க்ஸ் இவைகள் கணையத்தை நேரடியாக பாதிக்கின்றது.

நுரையீரல்

அதிகளவில் ஆல்கஹால் எடுத்துக் கொள்வது, சிகரெட் பிடிப்பது மற்றும் எண்ணெய் உணவுகளை எடுத்துக் கொள்வதால் நுரையீரல் பாதிப்பு ஏற்படுகின்றது. ஆகவே இவ்வாறான செயல்களை தவிர்ப்பது நல்லது.