நாட்டுக்குப் பொருத்தமான கல்விச் சீர்திருத்தங்களைக் கொண்டு வாருங்கள் – நாமல் எம்.பி கோரிக்கை
ஜனாதிபதி ஆணவத்தால் எடுக்கும் முடிவுகள் தேசத்திற்கோ, அதன் மக்களுக்கோ அல்லது ஜனாதிபதிக்கோ நீதியை வழங்குவதில்லை என்று ஸ்ரீலங்கா பொதுஜன பெரமுனவின் தேசிய அமைப்பாளர், நாடாளுமன்ற உறுப்பினர் நாமல் ராஜபக்ஷ தெரிவித்தார்.
மக்கள் விடுதலை முன்னணிக்கு ஏற்ற கல்வி சீர்திருத்தங்கள் நாட்டுக்கும் ஏற்றவை என்று ஜனாதிபதி நம்பினால், அவர் முற்றிலும் தவறு என்று திரு. ராஜபக்ஷ கூறினார்.
முன்மொழியப்பட்ட கல்வி சீர்திருத்தங்கள் நாட்டிற்குப் பொருத்தமானவை அல்ல என்பதை ஜனாதிபதியின் உரை காட்டுகிறது என்றும், ஆனால் அரசாங்கம் அவற்றைச் செயல்படுத்தத் தயாராக உள்ளது என்றும் நாமல் ராஜபக்ஷ குறிப்பிட்டார்.
நாட்டுக்குப் பொருத்தமானதும் அவசியமானதுமானவற்றை மட்டுமே செயல்படுத்த வேண்டியதன் அவசியத்தை ஜனாதிபதி புரிந்து கொள்ள வேண்டும் என்றும், ஆணவத்தால் எடுக்கப்படும் முடிவுகள் தேசத்திற்கோ, அதன் மக்களுக்கோ அல்லது ஜனாதிபதிக்கோ நீதி வழங்காது என்றும் அவர் கூறினார்.
கல்வி முறையிலும் அரசு இயந்திரத்திலும் மாற்றங்களின் அவசியத்தை ஸ்ரீலங்கா பொதுஜன பெரமுனவும் பொதுமக்களும் அங்கீகரிப்பதாக அவர் கூறினார்.
இருப்பினும், அறிமுகப்படுத்தப்படும் எந்தவொரு சீர்திருத்தங்களும் நாட்டிற்கு இசைவானதாக இருக்க வேண்டும், மக்கள் விடுதலை முன்னிணிக்கு ஏற்றவாறு வடிவமைக்கப்படக்கூடாது என்று அவர் வலியுறுத்தினார்.
நாட்டின் கல்வி முறைக்கு பொருந்தாத கல்வி சீர்திருத்தங்களை அறிமுகப்படுத்தும் முயற்சிகளுக்கு அரசாங்கம் முழுப் பொறுப்பையும் ஏற்க வேண்டும் என்று அவர் மேலும் தெரிவித்துள்ளார்.
