இஸ்ரேலில் 5,500 ஆண்டுகள் பழைமையான தொழிற்சாலை கண்டுப்பிடிப்பு!
இஸ்ரேலில் 5,500 ஆண்டுகள் பழைமையான தொழிற்சாலை ஒன்று கண்டுப்பிடிக்கப்பட்டுள்ளது.
டெல் அவிவிலிருந்து சுமார் 40 மைல் தெற்கே உள்ள கிர்யாத் காட்டில் இந்த தொழிற்சாலை கண்டறியப்பட்டுள்ளது.
தொல்பொருள் ஆராய்ச்சியாளர்கள், இப்பகுதியில் முதன்முதலில் கானானிய பட்டறையைக் கண்டுபிடித்தனர்.
தொழிற்சாலையில் நீண்ட பிளின்ட் கத்திகள் மற்றும் ஆயுதங்களை துல்லியமாக வடிவமைக்கவும் பயன்படுத்தப்படும் பாரிய கற்கள் இருந்ததாக தெரிவித்துள்ளனர். ஆக இதுவொருட் கத்தி உற்பத்தி செய்யும் தொழிற்சாலையாக இருந்திருக்கலாம் என சந்தேகிக்கப்படுகிறது.
ஆராய்ச்சியாளர்கள் நூற்றுக்கணக்கான நிலத்தடி குழிகளையும் கண்டுபிடித்தனர், சில மண் செங்கற்களால் வரிசையாக அமைக்கப்பட்டன, அவை சேமிப்புப் பகுதிகள், குடியிருப்புகள், பட்டறைகள் மற்றும் சடங்கு இடங்களாகவும் செயல்பட்டிருக்கலாம் எனக் கூறப்படுகிறது.
அவர்களின் அன்றாட வாழ்க்கையைப் பற்றிய இந்த பார்வை, தொல்பொருள் பதிவுக்கும் பழைய ஏற்பாட்டில் விவரிக்கப்பட்டுள்ள சமூகத்திற்கும் இடையே ஒரு உறுதியான தொடர்பை வழங்குவதாக ஆய்வாளர்கள் தெரிவித்துள்ளனர்.
இஸ்ரேல் தொல்பொருள் ஆணையத்தின் நிபுணர்கள், இந்த கண்டுபிடிப்பு பண்டைய நிலத்தில் நகரமயமாக்கல் மற்றும் தொழில்முறை நிபுணத்துவத்தின் தொடக்கங்களை வெளிச்சம் போட்டுக் காட்டுகிறது என்று கூறுகின்றனர்.
