யேமன் பிரதமரின் இறுதிச் சடங்கில் ஆயிரக்கணக்கானோர் பங்கெடுப்பு; பழிவாங்குவதாக சபதம்!

கடந்த வாரம் இஸ்ரேல் நடத்திய தாக்குதலில் கொல்லப்பட்ட பிரதமர் உட்பட 12 மூத்த ஹவுத்தி பிரமுகர்களின் இறுதிச் சடங்கில் திங்கட்கிழமை ஆயிரக்கணக்கானோர் கலந்து கொண்டனர்.

சர்வதேச சட்டத்தை மீறி வியாழக்கிழமை நடத்தப்பட்ட தாக்குதல்களில் தங்கள் பிரதமர் அகமட் அல்-ரஹாவி மற்றும் பல அதிகாரிகளை இஸ்ரேல் குறிவைத்து கொன்றதாக ஹவுத்திகள் சனிக்கிழமை அறிவித்தனர்.

ஏனெனில் ஒரு வெளிநாட்டுத் தலைவரைக் கொல்வது சட்டவிரோதமானது.

2024 ஆகஸ்ட் முதல் சனாவில் ஹவுத்தி தலைமையிலான அரசாங்கத்தின் பிரதமராக ரஹாவி பணியாற்றி வந்தார்.

இவரது மரணம் தொடர்பில் ஹவுத்திகள் வெளியிட்ட அறிக்கையில், ரஹாவி மற்றும் அமைச்சர்கள் தங்கள் செயல்திறனை மதிப்பிடும் வழக்கமான அரசாங்கப் கலந்தாய்வின் போது குறிவைக்கப்பட்டதாக தெரிவித்தனர்.

பாலஸ்தீனிய போராளிக் குழுவான ஹமாஸுக்கு எதிரான காசாவில் இஸ்ரேலின் போர் 2023 ஒக்டோபரில் தொடங்கியதிலிருந்து, பாலஸ்தீனியர்களுடனான ஒற்றுமைக்கான செயல்கள் என்று ஹவுத்திகள் செங்கடலில் கப்பல்களைத் தாக்கியுள்ளனர்.

மே மாதத்தில் ஜனாதிபதி டொனால்ட் ட்ரம்ப், ஒரு சுருக்கமான பிரச்சாரத்திற்குப் பிறகு, ஹவுத்திகள் மீது குண்டுவீசுவதை அமெரிக்கா நிறுத்தும் என்று கூறினார்.

மத்திய கிழக்கில் முக்கியமான கப்பல் பாதைகளை குறுக்கிடுவதை நிறுத்த குழு ஒப்புக்கொண்டதாகக் கூறினார்.

ஆனால் காசா போர் மத்திய கிழக்கு முழுவதும் பரவியதிலிருந்து ஹவுத்திகள், இஸ்ரேல் மற்றும் இஸ்ரேலுடன் தொடர்புடைய கப்பல் போக்குவரத்தைத் தொடர்ந்து தாக்குவதாக சபதம் செய்தனர்.