விண்வெளியில் புரட்சி: வோயேஜர் 1-ன் மறுபிறவி!
ஒரு விண்வெளி வீரனின் மறுதொடக்கம்:
2025-ல், பூமியிலிருந்து 15 பில்லியன் மைல்கள் தொலைவில், ஒரு விண்கலம் மரணத்தை மீறி மறுபிறவி எடுத்திருக்கிறது! நாசாவின் வோயேஜர் 1, மனிதகுலத்தின் மிக தொலைவில் பயணிக்கும் விண்கலம், ‘இறந்து’ போன அதன் த்ரஸ்டர்களை (இயக்கிகளை) மீண்டும் உயிர்ப்பித்து, விண்வெளி வரலாற்றில் ஒரு அதிசயத்தை பதிவு செய்திருக்கிறது. 1977-ல் புறப்பட்ட இந்த வீரன், கிட்டத்தட்ட 50 ஆண்டுகளாக மணிக்கு 38,000 மைல்கள் வேகத்தில் விண்வெளியில் பறந்து, சனி, வியாழன் கோள்களின் புது நிலவுகளையும் வளையங்களையும் கண்டுபிடித்தது. ஆனால், இப்போது இது ஒரு ‘ஜோம்பி’ மாதிரி உயிர்த்தெழுந்த கதை, உங்களை ஆச்சரியப்படுத்தும்!
இறந்த த்ரஸ்டர்களின் மறுபிறவி:
வோயேஜர் 1-ன் முதன்மை ‘ரோல் த்ரஸ்டர்கள்’ 2004-லிருந்து பயன்படுத்த முடியாதவையாக, ‘இறந்த’ நிலையில் இருந்தன. இவை விண்கலத்தை ஒரு வினைல் பிளேட் மாதிரி சுழற்றி, வழிகாட்டி நட்சத்திரத்தை நோக்கி ஆன்டெனாவை சரி செய்ய உதவுபவை.
2018, 2019-ல் மாற்று த்ரஸ்டர்கள் உயிர்ப்பிக்கப்பட்டாலும், அவை இந்த சுழற்சி இயக்கத்தை செய்ய முடியவில்லை. ஆரம்பத்தில், நாசா இதை பெரிய பிரச்சினையாக நினைக்கவில்லை. ‘மாற்று த்ரஸ்டர்கள் இருக்கும்போது, 20 ஆண்டுகள் இன்னும் ஓடும்னு யாரு நினைச்சா?’னு வோயேஜர் மிஷன் மேலாளர் கரீம் பதாத்ருதீன் சொல்கிறார்.
ஆனால், வோயேஜர் 1 இன்னும் சாகாம இருக்க, நாசா ஒரு தைரியமான முடிவு எடுத்தது. இறந்த த்ரஸ்டர்களை மீட்டெடுக்க முயற்சிக்கலாம்! பூமியிலிருந்து 15 பில்லியன் மைல்கள் தொலைவில், மிக நுணுக்கமான கட்டளைகளை அனுப்பி, அந்த த்ரஸ்டர்களை இயக்க முயன்றனர். இந்த கட்டளைகள் வோயேஜரை சென்றடைய ஒரு நாள் ஆனது, பதில் வரவும் ஒரு நாள்! நாசா குழு இருட்டில் காத்திருந்தது, இது வேலை செய்யுமா என்று.
ஒரு அறிவியல் அதிசயம்:
20 நிமிடங்களில், ஒரு சின்ன அறிகுறி வந்தது. வோயேஜரின் த்ரஸ்டர் வெப்பநிலை சிறிது உயர்ந்தது! இது வெற்றியின் சமிக்ஞை. “அந்த நிமிஷம் மறக்க முடியாதது,”னு வோயேஜர் த்ரஸ்டர் தலைவர் டாட் பார்பர் உற்சாகமா சொல்கிறார். “இந்த த்ரஸ்டர்கள் இறந்தவைனு நினைச்சோம், ஆனா ஒரு பொறியாளரோட புது ஐடியா இதை மீட்டெடுத்திருக்கு!” இது வோயேஜருக்கு மற்றுமொரு அற்புத மீட்பு.
