மரைன் லு பென் பிரான்சில் போட்டியிட தடை… மோசடி வழக்கில் குற்றவாளியான தீவிர வலதுசாரி!!…  ஐங்கரன் விக்கினேஸ்வரா

ஐரோப்பிய ஒன்றிய நாடாளுமன்றில் போலி வேலை வாய்ப்பு மோசடி வழக்கின் பிறகு தீவிர வலதுசாரித் தலைவர் ஐந்து ஆண்டுகளுக்கு அதிபர் பதவிக்கு போட்டியிட தடை விதிக்கப்பட்டுள்ளது.

தற்போது ஊழல் குற்றச்சாட்டில் தண்டனை பெற்ற பிரெஞ்சு தீவிர வலதுசாரித் தலைவர் மரைன் லு பென் (Marine Le Pen) எதிர்வரும் 2027 ஜனாதிபதித் தேர்தலில் போட்டியிடுவதை மார்ச் 31இல் பிரான்ஸ் நீதிமன்றம் தடை செய்தது.

57 வயதான மரைன் லு பென் நீண்ட கால பிரெஞ்சு அரசியல்வாதி ஆவார். தொழில்முறையில் ஒரு வழக்குரைஞரான இவர் பிரான்சின் வலதுசாரிக் கட்சியான தேசிய முன்னணியின் (Front National) தலைவியாக உள்ளார். இவருக்கு முன் இவரது தந்தை ழான்-மரீ லு பென் அக்கட்சியின் தலைவராக இருந்தார்.

தேசிய பேரணி (RN) கட்சித் தலைவர் ஐரோப்பிய தீவிர வலதுசாரிகளின் மிக முக்கியமான நபர்களில் ஒருவரும் மேலும் பிரான்சின் 2027 ஜனாதிபதித் தேர்தல் போட்டிக்கான கருத்துக் கணிப்புகளில் முன்னணியில் இருப்பவர் லு பென். ஆனால் பிரான்ஸ் நீதிமன்றத்தின் தீர்ப்பு

லு பென்னுக்கு ஒரு பேரழிவு தரும் பின்னடைவாக அமைந்தது.

உடனடியாக அமலுக்கு வரும் வகையில் ஐந்து ஆண்டுகளுக்கு பதவிக்கு போட்டியிட அவருக்கு தடை விதிக்கப்பட்டது. இது 2027 இல் பிரெஞ்சு ஜனாதிபதி பதவிக்கு நான்காவது முறையாக போட்டியிடுவதைத் தடுக்கும்.

ஒன்பது வார விசாரணைக்குப் பிறகு, மரைன் லு பென் போலி வேலைவாய்ப்பு மோசடி மூலம் ஐரோப்பிய நாடாளுமன்ற நிதியை மோசடி செய்ததாக குற்றவாளி என நிரூபிக்கப்பட்டார்.

ஆனாலும் தீர்ப்பு மற்றும் தண்டனைக்கு எதிராக மேல்முறையீடு செய்வதாக அவர் கூறியுள்ளார். இதில் நான்கு ஆண்டுகள் சிறைத்தண்டனையும் – இரண்டு ஆண்டுகள் இடைநீக்கம் செய்யப்பட்ட தண்டனையும் வழங்கப்பட்டுள்ளது. மற்றும் 100,000 யூரோ அபராதமும் விதிக்கப்பட்டுள்ளது.

பாரிசில் நிதிக் குற்றங்களில் நிபுணத்துவம் பெற்ற நீதிபதியான பெனடிக்ட் டி பெர்துயிஸின் தீர்ப்பின்படி, ஐரோப்பிய நாடாளுமன்ற நிதி மோசடியில் லு பென் இருந்தார் என்று குற்றம் சாட்டப்பட்டுள்ளார்.

2004 முதல் 2016 வரை, ஸ்ட்ராஸ்பேர்க் அல்லது பிரஸ்ஸல்ஸை தளமாகக் கொண்ட அவர்களின் கட்சி உதவியாளர்களுக்கு ஊதியம் வழங்க ஐரோப்பிய நாடாளுமன்ற உறுப்பினர்களுக்கு ஒதுக்கப்பட்ட வரி செலுத்துவோர் பணம் செலுத்தப்பட்டுள்ளது.

தீவிர வலதுசாரி தேசிய பேரணி (RN) கட்சியினர பிரான்சில் உள்ள கட்சி ஊழியர்களுக்கு ஊதியம் வழங்குவதற்காக இந்த நிதி பயன்படுத்தப்பட்டது.

போலியான ஒப்பந்தங்களின் கீழ் பிரான்சில் கட்சி அல்லது கட்சித் தலைவர்களுக்காக பணியாற்றியவர்களுக்கு ஊதியம் வழங்க உதவும் திட்டத்தின் இருப்பு குறித்து சந்தேகம் என்று இந்த நீதிமன்றம் கண்டறிந்தது.

இது ஐரோப்பிய நிதிகளுக்கு 4.8 யூரோ மில்லியன் இழப்பை ஏற்படுத்தியதாக மதிப்பிடப்பட்டது. 2004 முதல் ஐரோப்பிய நாடாளுமன்ற உறுப்பினராகவும், 2011 முதல் கட்சியின் தலைவராகவும் இருந்த லு பென், சுமார் 474,000 யூரோ மதிப்புள்ள எட்டு ஒப்பந்தங்களை நேரடியாக ஏற்பாடு செய்ததற்காக குற்றவாளி எனக் கண்டறியப்பட்டுள்ளார்.

அத்துடன் அவர் அதிகாரம் மற்றும் உறுதியுடன் மேற்கொண்ட பரந்த போலி வேலைவாய்ப்புத் திட்டத்தை தூண்டுவதில் முக்கியமானவராக இருந்ததாக இந்திய நீதிமன்றம் கூறியுள்ளது.

அவரின் வலதுசாரி RN கட்சிக்கான எட்டு ஐரோப்பிய நாடாளுமன்ற உறுப்பினர்கள் இந்தத் திட்டத்தின் ஒரு பகுதியாக இருந்ததாகக் கண்டறியப்பட்டனர். மேலும் 12 பேர் நாடாளுமன்ற உதவியாளர்களாக போலி ஒப்பந்தங்களைப் பெற்றதாகக் கண்டறியப்பட்டனர். இரண்டு கணக்காளர்கள் மற்றும் கட்சிப் பொருளாளரும் இதன் போது தண்டிக்கப்பட்டனர்.

ஐரோப்பிய நாடாளுமன்ற உதவி ஒப்பந்தங்களின் கீழ் கட்சிப் பணிக்காக ஊதியம் பெற்றதாகக் கண்டறியப்பட்டவர்களில் லு பென்னின் மறைந்த தந்தை ஜீன்-மேரி லு பென்னின் முழுநேர மெய்க்காப்பாளரும் அவரது தனிப்பட்ட செயலாளரும் அடங்குவர்.

பிரான்சில் உள்ள கட்சியின் மத்திய அலுவலகத்திற்கான நிகழ்வுகளில் உண்மையில் பணியாற்றிய மரைன் லு பென்னின் சகோதரி யான் லு பென்னும் இந்த வழக்கில் தண்டிக்கப்பட்டார் என்பது குறிப்பிடத்தக்கது.

லு பென்னின் நிதி சிக்கலில் இருந்த ஃப்ரண்ட் நேஷனல் கட்சிக்கு நிதியளிக்க இந்த மோசடி திட்டம் பணத்தை வழிவகுத்தது என்று நீதிபதிகள் கண்டறிந்தனர்.

ஐரோப்பிய நாடாளுமன்ற நிதியிலிருந்து கட்சி ஊழியர்களுக்கு வழங்கப்படும் சம்பளம் மிக வசதியான தொகைகள் என்று நீதிமன்றம் கூறியது. அதை கட்சி இல்லையெனில் செலுத்தியிருக்க முடியாது. கட்சி நிறுவனர் ஜீன்-மேரி லு பென் போன்ற கட்சித் தலைவர்களுக்கு இந்த அமைப்பு வசதியான வாழ்க்கையை வழங்க அனுமதித்தது.

அவருக்கு ஒரு செயலாளர் மற்றும் மெய்க்காப்பாளர் இருந்தனர். அவர் இந்தத் திட்டத்தின் ஒரு பகுதியாக இருந்ததாகவும் குற்றம் சாட்டப்பட்டார். ,ஆனால் உடல்நலக்குறைவு காரணமாக அவர் விசாரணையில் நிற்கவில்லை.

ஒப்பந்தங்கள் போலியானவை என்றும், ஐரோப்பிய நாடாளுமன்றத்திற்காக அல்ல, மாறாக கட்சிக்காகவே பணிகள் மேற்கொள்ளப்பட்டன என்றும் பரந்த அளவிலான சான்றுகள் உள்ளதாக நீதிபதிகள் தெரிவித்தனர்.

ஐரோப்பிய நாடாளுமன்ற உறுப்பினர் ஒருவர், முன்பு வழக்கறிஞராக இருந்தவர் கட்சிப் பொருளாளருக்கு அனுப்பிய 2014 மின்னஞ்சலை நீதிபதிகள் மேற்கோள் காட்டினர்.

நீண்ட விசாரணையின் போது, குற்றம் சாட்டப்பட்ட மற்றவர்களைப் போலவே லு பென்னும் நீதிமன்றத்தில் தான் நிரபராதி என்று கூறினார்.

சிறிதளவு முறைகேடு அல்லது சிறிதளவு சட்டவிரோதச் செயலைச் செய்ததாக எனக்கு எந்த உணர்வும் இல்லை. தீர்ப்புக்குப் பிறகு, தான் நிரபராதி என்று மீண்டும் மீண்டும் கூறி, மேல்முறையீடு செய்வதாகக் கூறினார்.

நீதிபதிகள் தங்கள் தீர்ப்பில், குற்றம் சாட்டப்பட்டவர்கள் சட்டத்தை மீறியதுடன், நேர்மையின் முக்கியத்துவத்தையோ எந்த மனசாட்சியையும் வெளிப்படுத்தவில்லை என்றும் குறிப்பிட்டனர்.

இந்த தீர்ப்பின் பின் ஒரு தொலைக்காட்சி நேர்காணலில் லு பென், தான் நிரபராதி என்றும், தனது ஜனாதிபதி பதவியைத் தடுக்கும் நோக்கில் அரசியல் மயமாக்கப்பட்ட தீர்ப்பு என்று விவரித்ததற்கு எதிராக விரைவில் மேல்முறையீடு செய்வதாகவும் கூறினார்.

தற்போது 2027 ஆம் ஆண்டுக்கான போட்டியில் இருந்து தான் விலகி இருப்பதாகவும், ஆனால் தனது எதிர்காலத்திற்காக தொடர்ந்து போராடுவதாகவும் அவர் கூறினார்.

லு பென்னின் ஐந்து ஆண்டு பொது அலுவலகத் தடையை மேல்முறையீடு மூலம் நிறுத்தி வைக்க முடியாது. இருப்பினும் அவர் தனது பதவிக்காலம் முடியும் வரை தனது நாடாளுமன்ற பதவியைத் தக்க வைத்துக் கொள்வார் என எதிர்பார்க்கப்படுகிறது.