ஜெர்மனியில் கார்னிவல் கொண்டாட்டம்

ஜெர்மனியில் 27.02.2025 தொடக்கம் 03.03.2025 வரை பல நகரங்களில் கார்னிவல் கொண்டாட்டம் நடைபெற இருக்கின்றது. இது பெப்ரவரி மாதத்திலேயே நடைபெறும். ஜெர்மனியில் கார்னிவல் என்பது ஒரு பிரபலமான விழாவாகும்.

கார்னிவல் என்பது மக்கள் ஒன்றுகூடி மகிழ்ச்சியாக நேரத்தை செலவிடும் ஒரு விழாவாகும், மேலும் இது பல நூற்றாண்டுகளாக நீடித்து வரும் ஒரு பாரம்பரியமாகும். இந்த விழா பல நகரங்களில் மிகவும் பிரபலமானது, குறிப்பாக கோலோன் (Cologne), டுசல்டார்ஃப் (Düsseldorf), மற்றும் மெய்ன்ஸ் (Mainz) போன்ற இடங்களில் மிகப் பிரபலமாகக் கொண்டாடப்படுகிறது.

கார்னிவால் தோற்றம் மதம் சார்ந்திருந்தாலும், மதம் சார்ந்திராத பெரும்பாலானவர்களும் இதனைக் கொண்டாடுகின்றார்கள். தவக்காலம் என்று சொல்லப்படும் நாட்களிலே தமக்கு விருப்பமான ஏதோ ஒன்றைத் தவிர்த்து விரதமாக இருப்பார்கள். சிலர் மது, அல்லது இறைச்சி, அல்லது மீன் அல்லது இனிப்புப் பண்டங்கள் என்று 40 நாட்கள் தவமிருப்பார்கள். இந்தத் தவத்துக்கு முன் இந்த ஆர்ப்பாட்டத் திருவிழாவாகிய கார்னிவேல் கொண்டாட்டத்தைச் செய்வார்கள்

முக்கிய நாட்கள்:

ரோஸன்மொன்ராக் (Rosenmontag):

இவ்வருடம் 3 ஆம் திகதி பங்குனிமாதம் நடைபெற இருக்கின்றது. “Rosen” என்றால் “ரோஜா பூக்கள்” என்று பொருள் அல்ல, மாறாக இது “ராசன்” (rasen) என்ற பழைய ஜெர்மன் சொல்லில் இருந்து வந்தது. அதாவது “சுறுசுறுப்பு” அல்லது “அழுத்தமான செயல்பாடு” என்று அர்த்தம். “Montag” என்பது “திங்கட்கிழமை” என்று அர்த்தம். அதனால், “ரோஸன்மொன்ராக்” என்பதற்கு “சுறுசுறுப்பான திங்கட்கிழமை” என்ற பொருள் வருகிறது. இது புனித வாரத்திற்கு முன், மகிழ்ச்சியுடனும், சிரிப்புடனும், சுதந்திர உணர்வுடனும் கொண்டாடப்படுகிறது. இதன் மூலம், தவ நேரத்திற்கு முன் முழு சுதந்திரத்தையும் அனுபவித்து, பின் பக்தி மற்றும் தவத்தில் ஈடுபடுகிறார்கள். ரோஸன்மொண்ராக் என்பது சமூக விமர்சனம் மற்றும் சிந்தனை அழுத்தம் என்ற கருப்பொருள்களை நகைச்சுவையாக வெளிப்படுத்தும் ஒரு நாள். அரசியல் மற்றும் சமூக பிரச்சினைகளை சிரிப்புடனும் கேலியுடனும் விமர்சிக்கும் தன்னிச்சையான வெளிப்பாட்டின் வடிவமாக இது விளங்குகிறது. மேலும், சமூக இணக்கத்தை மேம்படுத்தி, மகிழ்ச்சியை பகிரும் ஒரு நிகழ்வாகவும் இது பார்க்கப்படுகிறது.

இந்த நாள் மிகப் பெரிய பேரணிகள் (Umzüge) நடத்தப்படும். பல வண்ணமயமான அணிவகுப்புகள், வெவ்வேறு உடைகள், மற்றும் இசை மற்றும் நடனங்களால் நிரம்பியது. மக்கள் வெவ்வேறு விதமான முகமூடிகள் மற்றும் உடைகளை அணிந்து கொண்டு, தெருக்களில் குதூகலமாக கொண்டாடுகிறார்கள். இந்த விழாவின் முக்கிய நிகழ்வுகளில் ஒன்று “ரோசன்மொன்ராக்” (Rosenmontag) என்று அழைக்கப்படும் திங்கட்கிழமை அணிவகுப்பு ஆகும். இது மிகப்பெரிய மற்றும் பிரபலமான அணிவகுப்புகளில் ஒன்றாகும்.

ஆடல், பாடல், ஊர்திகள், மது, என்று அமர்க்களமாக இருக்கும். பேரணிகள் (Parades) மிகவும் பிரபலமானவை. அவற்றில் மிகப்பெரிய பொம்மைகள் மற்றும் இசை குழுக்கள் கலந்து கொள்ளும். மக்கள் மிருகங்கள் போல ஆடையணிந்து, காட்டு விலங்குகளை நாட்டுக்குக் கொண்டு வந்தது போல வீதியெல்லாம் திரிவார்கள்.

வண்ண மயமான பொம்மைகள் (Floats), இசைக்குழுக்கள், மற்றும் விகட வடிவங்களுடன் மக்கள் மகிழ்ச்சியுடன் பங்கேற்பர். பொம்மைகள் பெரும்பாலும் அரசியல் மற்றும் சமூக விவகாரங்களை நகைச்சுவையாக விமர்சிக்கும் வகையில் உருவாக்கப்படும். அரசியல் தலைவர்களின் உருவங்கள், மற்றும் கேலிக்கூத்து வடிவங்கள் காணப்படும். பேரணியின் போது, சாக்லேட், மற்றும் சிறிய பரிசுகள் கூட்டத்திற்கு வீசப்படும். குழந்தைகள் மற்றும் பெரியவர்கள் இவற்றைப் பிடிக்க மகிழ்ச்சியுடன் காத்திருப்பார்கள். மக்கள் வித்தியாசமான கதாப்பாத்திரங்களாக (அரசர்கள், காமிக்ஸ் கதாபாத்திரங்கள், வில்லன்கள்) வேடமணிந்து பங்கேற்பர். முகமூடிகள், பிறைமதிப்புகள், மற்றும் புனையல் உபகரணங்கள் போன்றவை கொண்டாடும் மக்களை மேலும் வண்ணமயமாக மாற்றும்.

ஊர்திகளில் நிறுவனங்கள் இனிப்புப் பண்டங்களை, தம்முடைய விளம்பரப் பொருள்களை, ரோஜா மலர்களை நிற்கின்ற பார்வையாளர்களுக்கு எறிந்து கொண்டு ஊர்தியிலே ஏறி வீதியிலே செல்வார்கள். வீதியிலே நிற்பவர்கள் தம்முடைய குடையை விரித்து மறுபக்கம் பிடித்துக் கொண்டு சிலர் நிற்பார்கள். எறியப்படும் இனிப்புப் பண்டங்கள் குடைக்குள்ளே வந்துவிழும். அவற்றை எடுத்துத் தம்முடைய பைகளுக்குள் போடுவார்கள். வரிசை வரிசையாக அழகான ஆடைகளை அணிந்த பெண்கள் பேன்ட் வாத்திய இசையுடன் நடனமாடிக் கொண்டு வருவார்கள். ஊரே அமர்க்களப் பட்டிருக்கும். இவ்வாறான வீதியிலே வாகனங்கள் நிறுத்தப்பட்டு வழியை வேறுபக்கம் திருப்பி விடுவார்கள்.

வைபர்ஃபாஸ்ட்னாக்ட் (Weiberfastnacht):

இது ஜெர்மனியில் கார்னிவல் (Carnival) விழாவின் ஒரு முக்கிய நாளாகும். இது கிறிஸ்தவ மதத்தின் சாம்பல் புதன்கிழமை (Ash Wednesday)க்கு பின் வரும் வியாழக்கிழமை அன்று கொண்டாடப்படுகிறது. குறிப்பாக ரைன் பகுதிகளில் கோலோன் (Cologne), டுசல்டார்ஃப் (Düsseldorf), போன்ற நகரங்களில் கொண்டாடப்படுகின்றது. Weiber” என்பது ஜெர்மன் மொழியில் “பெண்கள்” என்று அர்த்தம்.”Fastnacht” என்பது “பண்டிகை இரவு” எனப் பொருள்படுகிறது. இதை சில இடங்களில் “அரசியல் பெண்கள் தினம்” எனவும் அழைக்கிறார்கள். இது பெண்கள் சமூக சக்தியை வெளிப்படுத்தும் ஒரு பிரத்தியேக நாள்.

இந்நாளில் பெண்கள் ஆண்களின் கழுத்துப் பட்டிகளை (Tie) வெட்டி, தங்களுடைய அதிகாரத்தைக் காட்டுகின்றனர். இந்நாளில், பெண்களுக்கு அதிகாரம் அளிக்கப்படுகின்றது. இதன் மூலம் அதிகாரத்தைப் பொறுப்பேற்கிறார்கள் என்பதை இந்நிகழ்வு குறிக்கிறது. இது பழைய சமுதாய கட்டுப்பாடுகளை உடைத்து, சமமாக்கலின் அடையாளமாக விளங்குகிறது.
பெண்கள் வித்தியாசமான வண்ணமயமான உடைகளை அணிந்து, முகமூடிகளைப் பயன்படுத்தி வெவ்வேறு வடிவங்கள் எடுப்பார்கள். குறிப்பாக, மன்னர்கள், அரசிகள், வில்லன்கள் போன்ற கதாபாத்திரங்களை படைத்தல் வழக்கம். காலை ஆரம்பமாகி இரவு வரை கூட்டம், நடனம், மற்றும் இசையுடன் கொண்டாட்டம் நடைபெறும். ஜெர்மனியின் பார் மற்றும் பப்களில் (Bars & Pubs) மக்களும், சுற்றுலா பயணிகளும் கூட்டமாக திரளுவார்கள்.

வைல்சென்டீன்ஸ்ராக் (Veilchendienstag):

இது கடைசி நாள் கொண்டாட்டம் இதனுடன் கார்னிவல் முடிவடைகிறது. வைல்சென்டீன்ஸ்ராக் என்பது கார்னிவலின் கடைசி நாள் ஆகும். இது செவ்வாய்க்கிழமையன்று வருகிறது. “Veilchen” என்பதற்கு ஜெர்மன் மொழியில் “நீல மல்லிகை” (Violet) என்று அர்த்தம். இந்த நாள் கடைசி நாள் என்பதால், ஓய்வு மற்றும் அமைதியை குறிக்கிறது. இந்நாளில், மக்கள் பாவத்தை தீர்க்கும் அடையாளமாக பழைய பாவங்களை எரித்து, புதிய வாழ்வைத் தொடங்கும் எண்ணத்தை அவர்கள் வெளிப்படுத்துகிறார்கள். இதனை “நுபெல் எரிப்பு (Nubbelverbrennung)” என்றும் அழைக்கிறார்கள். நுபெல் என்பது வைக்கோல் பொம்மை (Straw Doll) உருவமாக இருக்கும்.

இதை காகிதம், புல் மற்றும் பழைய ஆடைகளைப் பயன்படுத்தி உருவாக்குகிறார்கள். இந்த நுபெல் ஒரு கற்பனைப் பாத்திரம். இது, கார்னிவல் காலத்தில் அவர்கள் செய்த பாவங்களை நீக்குவதற்கான சின்னமாகும். அதாவது இது கார்னிவல் காலத்தில் நடந்த அனைத்து பாவங்களுக்கும் (அரசடக்கம், மது அருந்தல், நகைச்சுவை) பொறுப்பானவனாக இந்த நுபெல் கருதப்படுகிறது. மக்கள் “அனைத்து பாவங்களுக்கும் நுபெல் தான் காரணம்!” எனக் கூச்சலிடுவார்கள். இதன் மூலம், முந்தைய பாவங்கள் அனைத்தும் எரிக்கப்பட்டு அழிக்கப்படுகின்றன என்பது குறிக்கப்படுகிறது.

நுபெல் எரிப்பு தொடங்குவதற்கு முன், மக்கள் பாடல்கள் பாடுவார்கள். இது ஒரு வகை நகைச்சுவை இறுதிச்சடங்கு (Mock Funeral) போல இருக்கும். மறுநாள் சாம்பல் புதன்கிழமை (Ash Wednesday) அன்று முதல் தவ நேரம்தொடங்குகிறது, இது கிறிஸ்தவ கலாச்சாரத்தில் மிக முக்கியமானது.

இவ்வாறு 3 முக்கிய நாட்களைக் கொண்டிருக்கும் கொண்டாட்டமானது 27 ஆம் திகதியே ஆரம்பித்து குடியும் கும்மாளமுமாக நகரமெங்கும் காட்சியளிக்கின்றது.