உலகின் உயரமான கட்டிடம் புர்ஜ் கலிஃபா: நாசா விஞ்ஞானி வெளியிட்ட புகைப்படம்

நாசா விஞ்ஞானி ஒருவர் விண்வெளியில் இருந்து உலகின் மிகப்பெரிய கட்டிடமான புர்ஜ் கலீஃபாவின் புகைப்படத்தை வெளியிட்டுள்ளார்.

விண்வெளியில் இருந்து புர்ஜ் கலிஃபா

உலகின் மிக உயரமான கட்டிடம் விண்வெளியின் பரந்த வெளியில் இருந்து எப்படி காட்சியளிக்கும் என்று எப்போதாவது யோசித்திருக்கிறீர்களா?

இந்த தனித்துவமான பார்வை, விண்வெளி ஆர்வலர்களையும் கட்டிடக்கலை ஆர்வலர்களையும் ஒருங்கே கவரும் வகையில் அமைந்துள்ளது.

விண்வெளியிலிருந்து பூமியின் அற்புதமான படங்களைப் பகிர்வதற்காக அறியப்பட்ட பெட்டிட், இரவில் துபாயின் புகைப்படத்தைப் பதிவேற்றினார், அதில் புர்ஜ் கலீஃபா ஒரு பிரகாசமான ரத்தினத்தைப் போல ஜொலிப்பதை பார்க்க முடிகிறது.

“புர்ஜ் கலீஃபா, விண்வெளியிலிருந்து உலகின் மிக உயரமான கட்டிடம்” என்ற எளிமையான தலைப்பின் இந்த புகைப்படத்தை பெட்டிட் பகிர்ந்துள்ளார்.

புர்ஜ் கலீஃபா

புர்ஜ் கலீஃபா, துபாய், ஐக்கிய அரபு எமிரேட்ஸில் உள்ள 828 மீட்டர் உயரமுள்ள ஒரு பிரம்மாண்டமான அமைப்பு ஆகும்.

சிகாகோவைச் சேர்ந்த கட்டிடக்கலை நிறுவனமான ஸ்கிட்மோர், ஓவிங்ஸ் & மெரில் என்பவரால் வடிவமைக்கப்பட்ட இந்த புர்ஜ் கலிஃபா கட்டிடம் கட்டி முடிக்க ஆறு ஆண்டுகள் ஆனது.