9 நாட்களுக்கு பின்னர் லாஸ் ஏஞ்சல்சில் ஏற்பட்டுள்ள மாற்றம்!

அமெரிக்காவின் கலிபோர்னியா மாகாணத்தில் உள்ள லாஸ் ஏஞ்சல்சில் காற்றின் வேகம் தற்போது கொஞ்சம் தணிந்துள்ளது என தெரிவிக்கப்பட்டுள்ளது

கடந்த 7-ம் திகதி ஏற்பட்ட காட்டுத் தீ லாஸ் ஏஞ்சல்ஸ் நகரம் மற்றும் அதைச் சுற்றியுள்ள பகுதிகளில் பரவி பலத்த சேதத்தை ஏற்படுத்தியிருந்தது

அத்துடன் தண்ணீர் பற்றாக்குறையால் ஹெலிகாப்டர்கள் வாயிலாக கடல் நீரில் தண்ணீர் இறைக்கப்பட்டு தீயை அணைக்கும் பணிகளும் நடைபெற்று வந்தன .

ஒன்பது நாட்களுக்கும் மேலாக தீ எரிவதால் இதுவரை மொத்தம் 40,000-க்கும் அதிகமான ஏக்கர் பரப்பை எரித்துள்ளதுடன் 12,000-க்கும் அதிகமான கட்டமைப்புகள் தீயால் அழிக்கப்பட்டுள்ளன. மேலும் காட்டுத் தீயால் இதுவரை 25 பேர் உயிரிழந்துள்ளனர்

இந்நிலையில், காற்றின் வேகம் தற்போது கொஞ்சம் தணிந்துள்ளது. இதனால் தீயை அணைக்கப் போராடி வரும் தீயணைப்பு வீரர்களின் பணிகளில் முன்னேற்றத்தை கொடுத்துள்ளது என்றும் குறிப்பிடப்பட்டுள்ளது